Apple TV+ 劇集 - SILO - 末日地堡

改篇自Hugh Howey原著三部曲小説第一部《WOOL 羊毛記》，十集連續劇，當你看頭幾集時，以為都係老掉牙嘅排場或者都係咁上下嘅編排大綱，直到睇完第一季結局時佢開出新世界，先至係令人想繼續追看究竟佢點寫呢個末日世界故事。

隔絕世界嘅地堡入邊住咗一萬人，佢哋距離上一次革命後百幾年，宜家只係知地堡嘅事，其他歷史一概不知。而個地堡有諸多限制，限制佢哋嘅生活又或者鞏固佢哋嘅統治，但總有啲好奇嘅人想知道究竟外面係點，甚至乎覺得統治者係有心隱瞞佢哋，若果提出要求想出去，統治者係俾佢哋出去，仲要比塊羊毛布俾佢哋出去幫手抹乾淨個鏡頭，等地堡入邊嘅人睇清楚外邊世界究竟係點樣樣。

喺呢個設定之下幾件唔同嘅死亡事件驅使咗本來留喺地底工作維修嘅女主角衝動，慢慢一步步咁揭開相關嘅真相，直至第十集嘅季度結局，中間劇情係有點拖，但係保證去到結局，你會覺得嗯嗯都幾正喎，想睇第二季或者搵原著小說睇。