“ 今年回報已經超過400%？ # (真實對白)，日日賺幾千。我唔貪心，每日賺幾 3%，賺下零用錢就收手喇 ”

今次講下其實我哋投資任何嘢，最後賺幾多錢，賺錢範圍，應該預期預幾多先合理? 

菲比斯 aka 巴菲特最新 2021 書信中，巴菲特間嘢，Berkshire 由 1965 - 2021 每年的平均回報率大約 20% (CAGR, 未來會講)。 

美國 SP500 指數, 美國最大 500間上市公司的一個股票指數，同期 1965 - 2021 每年的平均回報率大約 10.5%。

大家睇到 菲比斯 每一年平均賺 20%，已經係股票股神股聖，投資巨人級數。

(吓? 就咁咋! 喂阿叔我過澳門賭百家樂賭波賭馬一晚都賺錢上落幾倍啦 ; 慣例，下面最值錢部分再講。)

買美國指數就平均賺 10.5% (systematic risk return, Beta，未來講)。

Risk-free (講英文型D) 的美國 10年國債都係大約每年賺 3% 左右，2022年6月計。

任何投資產品超過 3% 喺理論上已經喺有風險，越高風險越高回報，或者調轉。

相反地你現在買任何投資嘢，你都應該要求每年最少要高過 3%回報至好買。

我唔貪心，我每日 day trade 賺夠 1% 就收手，搵下零用錢，以每年 250 天交易日:

( 1+0.01 )^250 = 12.03 ; (12.03 - 1.00) * 100% = 1,103%

可以睇到，day trade 多幾年就可以有錢過李嘉誠。你亦可以睇到當中的風險, risk 有幾高和不合理。

 由 1964 - 2021，SP500 總共升左 30,209%，即係大約升咗 300 倍。 

 由 1964 - 2021，Berkshire 總共升左 3,641,613%，即係大約升咗 36,000倍。 

Oh! 來讚美雪球 !! 三萬六千倍呀! 

過澳門賭百家樂賭波賭馬一晚都賺錢上落幾倍? 

巴菲特 九成身家都放喺 Berkshire。你可唔可以每次賭波賭馬都賭身家, all-in 呢 ? 仲要持續賭足 20 - 30年，長年都係贏錢? 

我哋股票投資散戶嘅合理投資預期應該係幾多呢?

我會以 SP500 每年平均 10.5% 加減 3% 嚟做預算長期來看。大概 7.5% - 13.5%。你亦可以將這個範圍和其他投資產品比較。

經過幾個post你亦可估計出橡樹派的投資風格，你細看 Berkshire 每年升跌的範圍其實都幾大。點樣應對股票大上大落和橡樹派的投資風格? 未來再細講。

但是你可以看到專業人士大戶睇投資長度是以多少年，年份來思考的，不是以每天，每個月，每個 trade嚟決定。

頭盔: 每人的性格風格和財務狀況不同。我純粹一步一步說出自己覺得舒服，適合自己，經過金融基金工作訓練的投資風格。你亦可以從中得到參考，建立屬於你自己度身訂做的投資系統哲學。