Facebook 美股 值得購買嗎 股票心法

Facebook 美股 值得購買嗎 股票心法

Facebook meta 一直想講，現在先有時間慢慢思考後寫出來，最近一次財報，facebook 有史以來 (最近 10年) 第一次收入衰退。

2020 小藍書被眾多大牌子廣告商集體杯葛，抽起廣告，原因係仇恨和假新聞，當中真係好多大牌子，例如 Adidas, 可口可樂, Lululemon, Starbucks,Sony, Lego。喺陣容真係幾大，詳細 list 可以睇睇維基。

不過 facebook 市場完全不當是一回事，一於少理，股價創新高，收入不斷上升。為什麼? 因為小藍書主要客戶係中小零售商企業，廣告收入量係以多取勝，facebook algo 背後運算程式是沒有大福偏袒大牌子，facebook ads 某程度上係以投標返嚟，亦以用戶個人習慣瞄準投放，大商會小商戶廣告有一定的平衡性。

大牌子杯葛，小商戶立刻補位頂上。那一次杯葛事後睇，對 facebook 冇甚大威脅，收入繼續增長; 參與杯葛的大牌子卻是損失曝光流量，收入減少，讓大家看清誰才是大佬!

後來繼續 (2021 ?)，大家還記得香港有一段時間，香港人也說過要放棄 facebook 平台，要玩 Mewe, 裝 Signal 取代 Whatsapp。詳細原因我作為一個香港人都唔係好記得好清楚。我淨係知道結果，facebook, whatsapp, IG 仍然是主流。

這段期間 facebook 收入也是不斷增長，股價創新高，沒有大影響，的確非常厲害，菲比斯巴菲特所說的 “護城河”。

原本我係對 facebook 好有信心做霸權

咁點解今年 小藍書 meta 收入竟然倒退，股價仲低過肺炎疫情之前?

主要原因係 Apple “App Tracking Transparency, ATT” 政策，以私隱為名，喺 ios 平台上面，iPhone 使用者可以選擇不容許 Apps 讀取追蹤在其他 Apps上或者上網時的資料。你望望自己周圍有幾多人用 iPhone 上 面書 的 ?

可以參考返我寫 Apple 做廣告的 post:

https://www.facebook.com/.../pfbid0yeFvmpB1W1GsKMGQGLxsRJ...

總結是，Apple ATT 令 facebook的廣告比之前更難命中目標客戶，數據減少，廣告成本上升，中小商戶投放廣告金錢減少。連接著下一個原因。

第 2個原因 2022 經濟不好，市民購物支出減少，商戶賺少咗錢，落廣告預算減少，廣告成本卻因為 蘋果 ATT 大幅上升。

第 3係 tiktok 搶走不少用戶。

如我之前 post 所說 一間好公司在原有的市場飽和的時候，就會發展發掘下一個新高增長的市場，不斷進步。Facebook 的用戶量也漸漸飽和，面對的危機就是比其他 it 科技公司搶走用戶顧客。“護城河” 有時候都可以好脆弱。

Mark 就提議下一個高增長的市場，元宇宙, Metaverse。我個人就不是很相信 元宇宙這個概念，元宇宙究竟可唔可以最後賺錢，虛擬實境會不會成功? 我在這地方真的沒有想像力。朝早努力返工，夜晚仲要勤力開工喺Sandbox 買地賺錢買樓?

類似在 Minecraft 買一格地，在 World of Warcarft 買金幣? 我自己個人真係不會玩。不過，大家亦可以想想 新一代課金能力其實都可以好瘋狂。可以留意一下 日本中國台灣 的課金金額可以有幾驚人，暴雪最新一集 Diablo 手機遊戲也賺得盆滿缽滿。未來 facebook 發展出 “刀劍神域” Matrix, “VR Jav (Onlyfans?)” 世界大大賺錢 真的有可能。

講完故事，就睇睇最重要的價錢

2022 第2季收入 revenue 其實還可以，小於 0.1% 的倒退，不過多年的正增長變成倒退是股價下跌的其中原因。純利 net income 倒退也是一個原因， 比2021年同期，下跌了 35%，好像很多的，不過純利比 2020 2019 2018 同期都為高。

睇下比例，負債完全冇問題 不擔心。PS ratio 差不多有史以來最低，大約只有 4，喺科技公司龍頭算是好低。PE ratio 一樣好低 只有大約 14.5，低位對比自己歷史，比較其他 it 公司 真的好低, Netflix: 21, Pinterest: 73, twitter 直情負數 (蝕錢中) 。

估價估值係幾吸引的，不過價錢仍然唔係平到 “好賤終極平”，但是沒有超級大信心在這個價位買入。但係真係算抵，不過我真係對 未來增長 growth 好有懷疑，咁可以點做?

第1:

放入 watching list 觀察名單，股價再大插一段先買。

第2:

小小哋買 1-3%開始，強制放入股票組合，強迫自己不斷觀察。股價下跌就繼續買，留意到個 Story 公司故事有好轉跡象即刻再買。現在低位買，3% 輸極有個限度。

未來如果 “元宇宙” 真係成功，或者放棄 “元宇宙”，靠其他產品跑出，估值就會大幅反彈。

至於 ATT，我反而不太擔心，上市公司就是不斷面對困難然後解決， “上市” per se (講拉丁文好型) 就係強迫公司運用最有效的管理，找尋增長方法賺錢。meta應該會找到另外方法解決，繼續運用大數據賺錢。

這一次是股票心法，表演一下思考流程系統，未來收費 patreon 水平會再高少少，現在給大家一個例子，免費寫出嚟參考，吸引一下人流，多謝多謝收睇。

Rikas//