https://www.facebook.com/mcdonslavehk/ 從2019年6月9日開始重新認識香港。 從今日起，為每一件事情加上問號，尋找哲理。 🤡🍟🍔🥤🧠🕵️👩💻👩🎓👩⚖️👳📚
咩係民族?
3年前，鍾翰林對於十年後，你覺得自己做緊乜？呢條問題有以下回答：因為自己嘅政治主張而離開香港或者面臨審判。
29/7/2020，「學生動源」前召集人鍾翰林等四人被捕。被捕理由係有團伙近日在社交平台宣告成立主張香港獨立的組織，組織綱領包括建立「香港共和國」、不設底線鬥爭、團結香港獨立派。組織宣言亦有煽動他人加入。
相信果個團伙就係講緊創制獨立黨。7月21日發佈的【創制獨立黨成立宣言】，最後一句係咁樣寫：在成功建立屬於香港民族的國家前，創制獨立黨將會與全體香港民族共同奮鬥，天佑香港。
其實究竟咩係民族？
如果有人問咩係香港民族，你又會點答？
1. 同一人種、血統？
黑人同白人唔同種，但都會話自己係美國人。維吾爾族同中國人唔同樣，但又係中國人。係香港出世，又係咪就會係香港民族呢？
2. 地方文化、核心價值？
就算生活係同一個地方，感受同一種文化成長，但都可以有唔同價值觀。香港有咩核心價值？努力工作，8號風球照番工？唔好阻住人地嘅收成期？兄弟爬山；BE WATER？追求民主自由公義？咁呢d同普世價值又有咩分別？香港同其他地方有咩特別之處？
3. 政治目的、共同目標？
維吾爾族同漢人唔同種族，但N年前打完杖又會話維吾爾族係中華民族一分子。返黎而家，之後拎BNO的香港人又有可能無左中國公民身份，即係祖國唔介意放棄呢班人，唔認佢地係中華民族？
4. 共同經歷、悲喜感受
記得梁繼平義士講過，連結香港人的是一種痛。
唔知呢一年來，有冇一d時刻，你同我一樣，痛過喊過，面對原本無親無故的人，甚至乎你無親眼見過佢，反而覺得有一種親切感，令你認同自己，我哋係香港人？
如果話一個民族係一班人想捍衛大家互相認同的政治權利同目標，咁係咪已經有理由同條件稱呼呢一班人成為民族呢？
但民族之後。。。又如何？有咩意義？
如果有一班人有共同政治理念同目標成為民族，為左捍衛果D目標。生活的一切一切又會變成點？可以完全放棄用中國野？建立自己的衣食住行系統？定係其實無可避免地，每一個民族，都不可以獨立於自己民族咁生活？世界的任何資源，係咪只能夠依靠各個民族的財力同武力的優劣去做分配準則？合理化地從又窮又無武器的民族攞資源？
假使香港民族係一個有財有武的民族，面對世界上一個被某君欺壓的弱小民族，香港人，又會唔會伸出援手去幫助？咁，其實民族究竟係咩呢？
=======================================
2017年，【我地呢班中學生．05】獨派學生領袖：我哋究竟有無幫到香港？節錄：
「十年之後，好有機會 23 條已立法，或者直接將國安法納入基本法附件三 … 」鍾翰林說，自己不是一般本土派組織小成員，過去一年在傳媒鏡頭和咪高峰前面，不知說過幾多遍要「推翻政權」、「香港獨立」。他深信自己總會被政權追究，以至失去自由。
未來連自己有無自由都未諗到，已經唔好講要讀咩書，返咩工 … 真係唔駛諗。
將來看來灰暗，但他始終執著當下。他坦承，經歷過去一年的風雨飄搖、暗箭亂飛，不是沒想過從此離開學生動源，甚至遠離政治圈，做個普通中學生。
直至後來想通。離開學生動源，離開政治圈都好，半年之後一年之後，當香港再發生乜嘢事，你醒覺咗之後，唔能夠再沉睡返，你不過係扮唔關心，終有一日，都係走返入個圈，走返入個組織。
「離開，係解決唔到問題。」這個志切宣傳港獨的中五生，如是說。
啟發自