父母 反送中 我們需要您

其實我好氣憤大部分人都咁怯懦

好氣憤係街上見到大部分都係學生，佢地屋企人呢？

如果真係擔心，真係小心啲3個字就代表到你?

我好氣憤佢地乜都無做過就話現實就係咁架喇呢啲咁無聊既答案。

以前係咁依家就都會係咁，創傷後遺症？

我只係好心痛肯出黎撐頭家主力竟然係學生，佢地屋企人除左擔心就只係拋下一句小心。

你咁擔心好應該自薦一齊去，作為子女，我係有幾渴望我爸媽可以自發跟我黎，無奈現階段仲係不斷爭拗中。

到底係大部分父母都會同子女意見不合，定大部分都係變得怕事或者世界令你灰心?

但我最近學到只有自己可以永遠擺自己係個灰心失意既困局裡。

如果你覺得我地後生抗爭手法不當，你大可以親自到場一齊參與，教我地點先行得通。

如果你只係支持和平抗爭，我兩晚既經歷可以話你知如果你只係坐係度，警察真係無咩理由主動傷害你。

所有父母，你覺得件事咁唔貼身？你無做錯事就唔關你事？

今日通過左，我地所有學生都有可能被秋後算賬 愈多人參與集會，我地就愈唔需要武力解決。

希望你可以係今晚主動出黎支持你既兒女子孫朋友 所有學生，嘗試拉至少一個父母親參與，又多人啲又安全啲又快啲成事 發動親子集會 仲有，我唔只想你出黎行個圈收工番屋企睇直播，我想你留守。