Vol. 1

今晚好想好想打俾你 Salty Chick

諗起佢，諗起佢對你嘅好，諗起你哋一齊笑過，諗起你哋有幾親密過。
你同自己講，可能你可以再忍一忍，可能你可以再同佢傾一傾，
如果呢啲可能都做到，當時你哋點會分開？

分開嘅時候總係回想起大家美好嘅時光，但忘記係咩令你想離開，係咩令你受傷，係咩令你失望。

你今晚好想好想打俾佢，同佢講你覺得你哋可以重新開始，但其實你深知所有嘢唔會有改變，下次都係會咁。

當時你做咗嗰刻你覺得最好嘅決定，即使返去嗰一刻，你都係會做同一個決定，係無可避免。

所以今晚唔好唔好搵佢，你缺嘅係佢喺你心入面嘅位置，而佢已經無辦法再做你嘅嗰一位。