love nature, love travel, love drawing, love photographing

My little detour - 《我以為係musical, 原來係民旅服裝show》

2022 年 4 月 25 日（编辑过）

23 Jul 2019, Tue (Day 55 晴，Oaxaca, México )

今日是沒有玩伴的日子，因為Jacqueline同Feranando都走了，另一個朋友仔就晨早去左tour。所以我今日容許自己瞓到宿十點起身食早餐。

其實呢到早餐唔錯，有炒蛋，火腿、今日仲有紅黃西瓜、哈蜜瓜同蜜瓜，而原來蕉仲係自己任攞添；另外仲有我唔食的穀物早餐，當然多士唔少得，佢個芒果醬仲勁吸引添！

今日主要節目係去theatre睇musical, 其他可以話係無行程，所以我又持續勁hea。不過，我就喺Jacqueline未出發前一齊去market食佢嘅早餐同飲我的朱奶（30 peso) 。

之後佢買野比媽媽，而我仲返hostel hea左陣就動身去

Museo de las Culturas de Oaxaca到睇展覽。不過出發前reception無啦啦叫我轉房，我見佢喺我未正式有房之前曾經努力幫我搵廁所，好啦，我就為佢動一次身啦！其實轉去4人女仔房我係有so的，只係好唔鍾意轉嚟轉去。

轉完房正式出發行去位於教堂隔離嘅博物館，入場費75 peso, 排緊隊時有個叔叔見到我個傷口，同我講要好好料理，如果唔係會感染。我話感染左喇，都睇左醫生，而家康復緊，佢仲提我用清水肥皂清潔，咁叻嘅，我個護士朋友都係咁敎我架！跟住我就排隊買飛入場（75 peso), 過安檢時因為有遮有水，所以要寄存。

入到去，幾大下喎，其實幾抵睇，似我上次去古巴睇好得意公仔民族野，但只有西班牙文解說，完全無英文囉。所以呢，我都係睇過就算，因為根本唔知邊樣打邊樣。

但呢到都靚，的窗影出去又靚，所以個價錢係抵嘅。

最勁係咩，洗錢嗰部份，我係museum到見到frida postcard (100 peso 5張），之後再問起寄香港嘅郵票， 18 peso 1 set, 買左19 set, 其實之前問過間疑似郵局嘅野，寄香港post card係15 peso一張，但佢地唔係stamp, 只係印價錢的貼紙，咁只差3 peso, 我梗係揀郵票啦！就係咁，我用左352 peso買郵票。

跟住諗住去botanic garden, 點知唔止要錢，仲一定要跟團，仲要英文團唔知好似星期二、六先有，算，我放棄。之後又去銀行撳左6000 peso, 丫，其實的錢真係洗得幾快喎。跟住返hostel又hea左陣再出去諗住食tortas，點知行過見到間cafe burrito只係20 peso, 所以諗住試下，估唔到個burrito咁細份，但其實幾好食，再加左杯朱古力con pan, 細杯過market飲，但味道差不多（45 peso total)。由於時間唔上唔落，所以周圍行打發時間，丫，就係咁比我遇到琴日搵唔到嘅小型巡遊，但都ok得意。