My little detour - 《令人少女心爆發的粉紅色鹽湖呀！！》

度過， 應該搭8:45am 巴士都去得切Tizimin轉巴士去Las Coloradas, 所以我揀左係hostel食埋個早餐先出發。 早餐有四款唔同水果，我喺hostal staff仲準備緊早餐時問佢可唔可以攞左自己嗰份先， 因為我有點趕。好彩啫，因為我食完佢先準備好晒。 但唔知點解自己咁大食， 食完都唔覺飽， 所以最終我都問佢攞多塊多士同埋斟多杯咖啡先出門口。

係Ado巴士站好順利咁買到8:45am 車飛去Tizimin, 9:45am己經到左Tizimin。

本來想喺巴士站個廁所， 不過要收6 peso, 所以我好cheap咁諗住喺Noreste車站有無先（留意返， 由Valladolid去到Tizimin後， 需要去另一個巴士站-Noreste巴士站先買到去Las Coloradas嘅車飛， 但放心， 只要行出Ado巴士站轉角站就見到。） 去到買完10:30am車飛 （60 peso)就問下回程幾點。買完車飛順手問佢地有無廁所， yeah, 有呀！唔使錢仲要幾乾淨添。

而趁時間未到， 我去左巿集睇下有無的乾糧買， 比我見到有人賣好似炸taco物體， 買左嚟試， 好食呀， 有蛋同肉架都係12 peso。 再去買多2條蕉 （5 peso, 比左10 peso佢差的唔找返比我， 我問佢先攞返嚟睇係10 peso), 跟住返巴士站去多次廁所就上車了， 當然我又好謹慎咁問司機架車係咪去到pink lake啦。

原來Tizimin去Las Coloradas都要成1.5 hrs 架喎！ 到左Rio Lagartos有個導遊趁有人落車的時候上左車， 應該target到只有我呢個遊客， 於是問我有無興趣參加tour, 咁我又即管問下佢幾錢啦！ 佢竟然獅子開大口要1xxx peso, 我聽到眼都突埋！ 咁我當然話唔使啦， 佢問我想幾錢， 我話200 peso啦， 佢當然耍手擰頭。 然後佢又話今日好少遊客， 唔通佢諗住多遊客就share咁， 但我無諗住喎。 到左下個站， 個導遊落車， 佢話到左喇， 咁我本來都跟住出去， 但又好本能哋問司機confirm （其實因為maps me係未到嘅）。 丫！原來佢真係想呃我落叠， 司機話未到呀！ 佢梗係想等我落左車無辦法catch到下班車， 逼住要跟佢個tour, 好彩當刻無懵豬咋！ 再搭多起碼搭多30分鐘先到Las Coloradas, 落車問左司機回程班次， 原來今日係3pm, 好彩問一問啫， 巴士站職員本身話5點架！落到車見到個上車無耐的遊客， 佢應該就真係Rio Lagartos上車嘅， 咁我問佢一唔一齊行可以影下相， 但原來琴日嚟過， 今日只想行下。

咁咁啱有個tour guide approach我， 佢話無tour guide唔入得， 其實都係嘅， 佢有門口確實有個不堅固的木閘， 咁我見佢50 peso就話好啦！ 告別外國遊客後， 我就坐個tour guide電單車入去。 其實遊客只係可以繞同一條路行， 其他部份嗰50 peso係唔包嘅。粉紅湖鹽份超高， 所以溫度也高， 本身水質就唔適合落水。 鹽田公司為左唔比人擅自走入湖水， 所以決定任何人入去都要有授權嘅tour guide陪同。 咁我入到去又掛住同tour guide傾偈， 所以都唔算影太多， 因為影相都係靠tour guide幫我。 聽導遊講解呢到嘅湖除左粉紅色， 仲有green , brown 同orange, 就鹽份密度唔同而展現唔同顏色， 我仲見到遠遠有flamingo添呀。 

我問導遊邊到可以近的見到flamingo, 佢話無啦， 個50 peso tour行完喇！ 但佢又攞左個leaflet我睇， 個tour會再去brown嘅鹽湖， 有近的睇flamingo地方， 有鹽面膜同埋游水。 咦! 我想近睇flamingo, 於是將tour 價錢由300 peso講價至250 peso, 就扑槌開始我地個旅程。 首先去brown lake, 水好似無咁杰， 仲睇到一堆flamingo, 但係....我白痴到係電單車右面落車（其實因為tour guide將架車傾斜去右邊， 咁唔夠腳長嘅我當然順勢右手邊落啦），隻腳掂到條死氣喉， 即係辣傷左， 痛到眼水標埋出嚟。 佢原來隨身帶住急救用品， 佢同我say sorry, 仲叫我無論上落車都係用左邊， 我而家知喇。 佢幫我搽左應該係消毒藥水同簡單包紥就再起行。

我地再去橙少少的lake, 確實幾橙下， 仲見到的蝦毛仔物體， 佢話的顏色係嚟自佢地， 而橙色嘅lake係比pink lake更高溫。 btw, 原來後生的flamingo係白色， 成熟嗰的先係粉紅色架。 

沿路tour guide都間中有停低比我睇flamingo架！去到鹽泥面膜嘅地方， 佢仲問我想唔想搽上面。但我唔想呀大佬， 我塊面好易敏感， 我唔想爛面呀！ 所以我好急急腳行左去。嚟到下一站，嘩! 個湖水色係綠色嘅，佢竟然跟住嗰站係可以游水， 由於我從來無諗過鹽湖係可以游水， 所以我一的準備都無。 頂， 咁靚嘅， tiffany blue呀， 可惜我無帶嘢係唔會落水嘅！

鏡頭一轉， 我地過左條馬路仔過對面， 海呀~ 好靚呀， 淺綠色加深藍色架！ 呢到的水靚過Cancun嗰的, 深淺分明又crystal clear。 我問個海叫咩名， 佢話無名架， 大概可以叫the sea of Las Coloradas啦！ 仲講笑話可以叫sea of george添（因為佢見到我隻George馬騮仔）🤣🤣

嚟到呢到行程已經完喇， 我比完錢後佢都遵守承諾車埋我去巴士站， 點解個巴士站咁唔似巴士站， 好彩佢車我去啫， 如果唔係一定唔識搵！

由於太熱， 我去買枝可樂飲 （15 peso)，期間我問間鋪嗰個係咪巴士站， 佢話搭collectivo 70 peso, 頭先tourguide同我講60-65 peso, 不過我見價錢差唔多有巴士就唔搭了。 咁我見有時間， 又見到個牌指住話有playa我就行去望下， 好靚呀， 可惜我之前唔知， 如果唔係住下都好， 但我未必敢自己落水就真。 2:55pm 點巴士嚟到 (60 peso) , 我見架collectivo都仲未開喎！

去到Tizimin其實可以catch到4:45pm巴士， 不過我諗住反正嚟到， 不如係到行一陣食埋野先返Valladolid, 於是就行左去搵野食。 點知今日係星期六， 其實好多野都唔開， 咁無嘅， 咪周圍行下。

又比我見到係Tulum最愛的aki超巿添，好好奇呢到朱奶咩味， 所以買左盒試 （9 peso), 唔特別吸引所以一次就夠， 但如果見到可樂公司出的可以再試一次🤣。

之後係city centre兜嚟兜去都搵唔到咩特別想食， 所以我求其搵左間仲有野食賣的， 試左個我想試好耐， 好似用葉包住的食物。 原來佢個名叫horneado o cha cha cua （15 peso), 裹面有雞肉....然後我估係用薯仔包住。 我試過間仲用火烤過， 我覺得唔錯喎。食落覺得辣辣地，我就過左對面士多買左natural lemon tea喎， 之後就去買車飛返Valladolid喇 （31 peso)。

等巴士期間撞到一個頭先叫我幫手影相的女仔， 佢係嚟自立陶宛的Marija, 我哋係車上傾左好多， 佢又係highly recommend Chiapas喎！ 最巧合係原來我哋竟然住同一hostal而不自知🤣🤣。 我地仲約左明天一齊去chichen itza 同cenote ik kil添。 返到去我坐左陣又再出去， 食左西瓜冰冰 （6 peso)再返hostel。 但其實今日最緊要嘅事係幫隻腳嘅傷口消毒。 我個藥包終於出場， 用左粉紅色消毒啫喱再貼上3m人造皮。

沖埋涼洗埋衫，被知會明天相約8:30am meet一齊去玩， yeah! 我係花園坐左陣， 見到一個泰國女仔， 雖然佢睇落唔似。 佢本身係導遊，仲識多國語言， 真心超勁。 不過佢諗住第時會長住哥倫比亞maybe, 佢太愛拉丁美洲了。準備上床整下野時， 我張3m甩左，仲要連埋好大塊皮， 我唯有再消毒， 不過我諗明天都係去cenote但唔落水了😭😭

已用：627 peso 

31 peso bus from valladolid to tizimin

60 peso bus from tizimin to las coloradas

12 peso panuchos y salbutes (脆taco with egg and mince meat on top)

5 peso bananas

250 peso tour fee

15 peso cola

60 peso bus from las coloradas to tizimin

9 peso 朱奶

15 peso Horneado o cha cha cua (似糭， 有雞肉同薯仔？）

10 peso Natural lemon tea 

31 peso bus from tizimin to 

123 peso 1 more night hostel

6 peso. Sandia冰