點解係Mong Kok，唔係Wong Kok?

其實大家有無諗過，點解旺角嘅英文係 Mong Kok 而唔係 Wong Kok 呢？

其實旺角原名「芒角」，呢個名稱最早係1819年嘅《新安縣誌》出現，稱為「芒角村」，屬新安縣官富司管轄，為一黃姓為主的村落。（九龍古稱官富）

直到英國接管九龍後，港英政府的地圖亦繼續稱該地為芒角，並翻譯英文為Mongkok。直到1880年，輔政司（即布政司，今政務司）接到當地居民及商界的請願，指「芒」字草頭從亡，意境不佳，要求改名，之後才被更名「旺」角，而英文譯名則維持不變直到現在。(類似情況亦發生在調景嶺（原吊頸嶺）、欣澳（原陰澳）等）

Side Track 1: 地鐵通車初期旺角站英文名稱為Argyle，取其站上的道路為亞皆老街。

Side Track 2: 九廣鐵路通車至1957年期間，旺角站（今旺角東站）稱為「油麻地站」。