Post-Holiday-Tension VS 放工有節目

一連三日假期完結,今日又要返工,我極度懷疑我自己患上左Post-Holiday-Tension 假期後焦慮症 (唔好意思,呢個英文係我亂作,如果咁啱正式學名真係咁叫,純屬屎忽撞棍)

今日我食完早餐,一返到公司已經周身唔自在,雖然都唔係好多email要覆,又冇乜貨趕住落啦.但就係覺得怪怪,好唔願意係公司咁.

加上黎緊冇乜貨要出啦,我細腦開始又好緊張日日捉住我地啲sales, 不過你都咪當我傻,我明知你上星期五講左今日要整理一下個晚同客人skype meeting summary, 所以就算十萬個唔想郁都好,我係朝早鳩撳完掠水apps之後就即刻draft返個minute出黎,係10點前就send 左比細腦,不出所料,佢10:05分就打黎challenge我問我點解仲未寫,呢個時候我梗係大大聲話send左比佢啦.咁就成功塞住佢把咀.

老細見冇位入我,就將佢寫左個份draft都比我,等我將2份draft一次過整理完佢就掟出去.搞完我個part,佢又捉住班engin傾野.咁上午我就暫時冇乜特別野做,坐下坐下又夠鐘食lunch

唔知係咪封關太耐,個人一早超越左極限,最近我完全係想自閉,食飯自己食,做野唔好有電話響.同同事唔好面對面傾野,淨係send email就最好. 所以今日知道我阿頭約左人,我又要食自己個陣,我居然好happy, 可以自己快快食完快快返去做自己野.

好啦,到下午,以為冇我既事,點知又要開會傾new item, 呢個時候我真係PHT發作,開會開左大概2.5個鐘,我由坐低冇耐開始就全程面黑 (因為咁啱急屎,你又要開會阻鳩住晒),加上其實個會都係定個啲product specification, 喂,呢啲野,你同engin / costing 既人傾咪得囉,捉埋我做乜鳩呢.

最仆街既係,你傾完一個我以為散得水,點知個engin 好有衝勁咁話傾埋月頭另外三個new items...WTF, 我除左肚入面舊屎要爆,我啲情緒都真係同時想爆出黎. 不過我忍...費事做到自己咁小家.

呢三個project傾左大半,我老細返左房拎資料,呢個時候真係忍唔住,先解決左肚入面個幾兩先.返到出黎,我見佢地都傾到唔知去邊到,我都已經冇心機開落去,全程睇email,諗下一陣返出去做邊樣野先好.

玩到差唔多6點,終於傾完,我可以出去執埋啲手尾,結果7點先收工.

返到去我都謝晒,好在一早叫左媽子今晚個餐求其煮,唔使煮咁好,唔係既話晒左佢啲心機就唔好意思啦.

另一邊廂既我老婆,今日理應比我更忙,不過佢勝在收工約左中學同學聚舊,放工之後佢去左食烤肉.果然,收工有節目,同長期一線兩點真係好大分別.呢8個月我老婆日日精采節目輪流上.我就日日起身--返工--收工--屋企 咁維持左8個月. 真係唔知呢啲生活要到2021年幾時先完,我冇打錯,我肯定2020年都唔會返到去,而家只係望2021年可以盡快有疫苗出黎比我可以返屋企.