童年回憶重現

今朝晨咁早就見到腦細楝左係公司, 我心諗,你使唔使咁早呀,比我安安樂樂早少少返黎做下自己野都唔得.

佢次次咁早返黎,一定冇好野,不出所料,今朝又因為啲芝麻綠豆既小事走去鬧人鬧到仆街.計我話,公司啲單多返都冇撚用,你日日咁剷人法,邊個有心機同你做.

所以好多時啲野,真係一隻手掌拍唔響,間野咁多問題,作為公司leader, 你責任最大囉 !

不過由於我唔係主角,我今日一於少理,你有你鬧人,我有我食好野,上星期同事發現左間新野, 我見佢價錢又幾低喎, 焗飯25蚊, 加多個芝士撻先係33蚊, 身為吃貨既我,冇理由唔試架嘛.同事提前whatsapp去落單.今日果然準時送到.

其實我都唔記得左點左啲咩啦,睇返whatsapp,先知我叫左個鴛鴦焗飯, 佢啲包裝又做得幾好喎,啱架啦,非常時期,安全啲好.

不過唔係講笑, 一打開塊膠紙, 香到你呢, 食落好有個種以前讀小學集體食飯盒既感覺.突然間,美好回憶湧上心頭.

食完飯,吃埋個芝士撻,繼續睇下blog寫下野, 再晏少少應該又要傾報價啲野.真係無用工做一大堆,實際有意義既就唔多.可以比我每一日過得有義意少少嗎?