唔熟唔食

話說琴日同朋友去樂富食左一餐超難食既tea, 食完火撚滾到唔識形容. 今日冇出街但唔煮返啦, 太攰, 所以決定落樓下食就算.

經歷過琴日中伏之後, 都係去返啲食開既餐廳, 悶就悶啲但穩陣啊嘛, 我阿媽叫左個煎蛋牛扒,我就黎個松露煙肉意粉, 對比起琴日個間垃圾,呢到好食好多. 唔係幾分鐘我就成碟清晒啦.清完返去繼續訓, 冇辦法啦, 呢個星期做到隻狗咁樣, 今日只好大昏迷補充一下.

太座今日返左外母到吃住家飯, 雖然佢冇出去吃好野, 但外母大人的住家飯既殺傷力其實仲西利過出面既好野,睇到我流晒口水...本來話6月要返去,但而家都5月, 手上個PK project仲未搞好, 都唔知可唔可以如期返去...情況實在令人擔心...

聽日返到公司第一時間要捉住老細針一針點收科, 我唔容許因為手上工作阻住我返去, 如果真係搞唔掂, 大不了唔柒做都要返去. 今次我係好撚認真的.