Ｇ點電視以新媒體介入性／別小眾運動，鼓勵及引導義工成為行動者、尋找自己感興趣的議題，學習營運媒體，為社群充權。請賞我們幾個拍手或一杯咖啡，讓我們支持平台及團隊持續運作。
10 套熱門同志題材電影 喺 Netflix 有得睇！
翻譯：Frances（Ｇ點電視義工）
校對：Agnes（Ｇ點電視義工）
編按：資料來源為美國同志網站，其他地區的用戶可能看不到部份影片。
新年放假拜完年返屋企無野做？元宵佳節無情人得左右手嘅你都又想 Netflix and Chill？無問題！LGBTQ nation 年頭推薦咗 10 套熱門同志題材電影，陪你甜到漏過節。
其他你可能感興趣的資訊：
《 神奇女郎》：異國風情下的跨性別心靈之旅
當他們認真編織時，愛就在他們中間
曾經是同志失落時代 – 《曾經是同志》《失落時代》影後感
《眼鏡蛇王》（King Cobra）
由真人真事改編而成嘅《眼鏡蛇王》，講述成人電影演員Brent Corrigan 入行初期嘅故事：Brent（Garrett Clayton 飾）剛入行就一夜成名，深受觀眾喜愛，令資深電影監製「Stephen」（本名Bryan Kocis，Christian Slater 飾），同埋 Harlow Cuadra（Keegan Allen 飾）聯同Joseph Kerekes（James Franco 飾）兩個監製新貴為佢大打出手。呢套戲有乜？當然唔會少得大量嘅性愛同暴力場面啦～
《夢之船》（Dream Boat）
呢套紀錄片除咗有同志遊輪上嘅肉體sss令觀眾大包眼福，仲可以窺探到 5 位擁有唔同嘅背景同身份嘅乘客嘅內心。玩樂只係成個體驗嘅一部分，更多嘅係關於人類無窮無盡嘅情慾。
《邪氣瀟灑哥》（Handsome Devil）
愛爾蘭劇情片《邪氣瀟灑哥》講述一段發生係男子寄宿學校入面，兩個大纜都扯唔埋嘅人所展開嘅感情：一個邊緣到爆，一個係欖球新星。兩個人被迫成為室友後，發現大家志趣相投。情投意合之際，偏偏天意弄人，又發展成「世界將佢哋包圍」嘅局面。究竟最後佢哋會選擇「做自己」，定係做「人哋理想嘅自己」呢？
想看到更多像這樣的文章嗎？
請捐款支持我們。
<script async="" src="//pagead2.googlesyndication.com/pagead/js/adsbygoogle.js"></script>
<script>
(adsbygoogle = window.adsbygoogle || []).push({});
</script>
《卡露的情人》（Carol）
《卡露的情人》講述上世紀 50 年代，一個志願成為攝影師嘅 20 歲年輕女仔（Rooney Mara 飾），同埋一個面對緊失婚之痛嘅成熟女人之間嘅禁忌之戀：點樣喺一個充滿敵意嘅世界踐行愛、經歷失去，然後，會唔會選擇偏執落去？
《羅馬夜禁色》（Room In Rome）
西班牙情慾劇情片《羅馬夜禁色》講述一間羅馬酒店入面嘅一夜情。一個 30 幾歲嘅西班牙遊客帶咗一個年輕嘅俄羅斯女仔去佢嘅酒店房。雖然俄羅斯女仔堅持自己係直嘅，但都無阻佢哋之間所產生嘅化學反應。隨時間推演，兩個人之間嘅秘密漸漸揭開，同時帶黎磨擦。究竟最後會唔會因此分道揚鑣呢？
《情場下半場》（Lazy Eye）
又一個充滿矛盾、秘密同人生的抉擇嘅故事，《情場下半場》探討兩位為愛私奔嘅主角所面對嘅其他問題。故事講述一個平面設計師同前度久別 15 年後重逢，喺沙漠中嘅小屋共渡美好嘅週末。不過咁多年後問題依然存在，究竟應唔應該許諾終生？
想看到更多像這樣的文章嗎？
請捐款支持我們。
<script async="" src="//pagead2.googlesyndication.com/pagead/js/adsbygoogle.js"></script>
<script>
(adsbygoogle = window.adsbygoogle || []).push({});
</script>
《黑鳥》（Blackbird）
《黑鳥》嘅故事發生喺美國南部密西西比嘅一個小鎮，講述一位對自己性向有疑問嘅教會合唱團成員Randy（Julian Walker 飾）。點樣喺一個保守嘅基督教黑人社區面對嚟自媽媽（Mo’Nique 飾）嘅偏見，又點樣得到爸爸（Isaiah Washington 飾）嘅認同同支持呢？
《裸灘獵Ｊ》（Stranger By The Lake）
盛夏，喺人人天體、瞄準肉體嘅沙灘，一位法籍靚仔 Franck （Pierre Deladonchamps 飾），遇到一個被 friendzoned 但又投契嘅 Henri ，同埋眉來眼去之後擦出慾火嘅 Michel 。大戰幾回合之後，Franck 漸漸發現 Michel 有不為人知嘅一面，同時，沙灘上又發生咗一宗離奇兇案…呢三個人嘅關係，同單兇案又有咩關係？
《桑拿夜》（Spa Night）
為養家、為性趣，呢個衣櫃內嘅韓國移民二代喺一間洛杉磯嘅同志桑拿度打工。一開始係為咗逃避屋企人俾嘅升學壓力，而且係桑拿入面都遇到熱心嘅人，不過做得越耐，桑拿內外嘅世界嘅張力越嚟越大…
《聽見愛你的聲音》（Loev ）
印度浪漫劇情電影《聽見愛你的聲音》講述一個華爾街嘅大人物，同埋佢情場失意嘅朋友所展開嘅一場遠足之旅。名義上係陪朋友散心，實制上係等緊一個補位嘅「好朋友」盡顯關懷嘅機會…呢段三角關係到底要點收科？
原文連結Ｇ點電視
喜欢我的文章吗？
别忘了给点支持与赞赏，让我知道创作的路上有你陪伴。
发布评论…