點解亞洲人要用755nm 脫毛？EVR BEAUTY話您知！

點解亞洲人要用755nm 脫毛？EVR BEAUTY話您知！

坊間好多激光脫毛中心都會有唔同嘅脫毛療程，有啲用彩光，有啲用808，有啲就用就彩光，當然少不了傳統脫毛方法，今次EVR Beauty激光脫毛會同妳分析點解我地亞洲人一定要用755nm 波長嘅激光脫毛！

所有傳統脫毛嘅方法，無一個方法可以永久脫毛。

傳統脫毛方法： 拔毛

首先講講拔毛的缺點，拔毛逐條逐條拔，唔係講都知道一來時間好長，二來好痛，不過對於時間多嘅或者好忍得痛嘅人，可能可以頂到，但係妳有知唔知因為過度拉扯可以造成皮膚鬆弛，甚至敏感，另外就係 毛髮倒生引起皮膚發炎，之後更加會產生黑色素。

傳統脫毛方法： 剃毛

剃毛除左要成日剃，最唔好嘅係剃毛好容易剃損，每星期都用刀片剃妳白嫩嘅肌膚，長久以來一定會引起皮膚粗燥，同埋剃毛更加容易導致毛髮倒生，倒生就容易引起發炎，另外就係剃刀多數姐妹們都擺係廁所，妳都知道之前食肉菌有幾恐怖，剃刀上的細菌再接觸因為剃損的肌膚，真係容易引起細菌感染。

唔講咁多傳統脫毛方法：

直入正題，點解要用激光脫毛呢？ 因為激光係唯一一個方法可以永久減少毛髮生長的方法，傳統脫毛方法就係治標不治本，而且有後遺症。但係激光都好多種，市面太多，唔知點揀？ Evr Beauty 激光脫毛係美國上市公司CANDELA直接授權脫毛中心，而且受過嚴謹的訓練同埋知識理論，今日係度同大家分享返點解要用激光755波長脫毛。

首先，要知道755 ， 808 ， 694 nm 都係波長，Laser 其實係Light Amplification by Stimulated Emission of Radiation,即係激光係統一波長，唔係彩光可能係500–1000nm，係有個range嘅。所以激光之父Anderson & Parrish 研究到特定波長與脈衝時間可以對目標組織達成理想作用,並對周圍組織產生最少影響。哩個非常緊要，脫毛就係我地嘅目標組織，因為彩光唔夠集中，可能會傷及到其他皮膚組織，另外妳會問808nm，1064nm,755nm, 都係激光，點解要揀755呢？ 因為研究指出亞洲人的Skin Type, 係實驗證明下，最適合採用755nm，可以達到效果，因為大部分亞洲人的毛毛是黑色的，黑色素對755波長特別吸收，由於激光光能，透過毛髮的黑色素轉化做熱能，從而破壞毛球，永久破壞毛囊。如果808，1064，就可能較適合外國人，因為毛髮顏色同埋肌膚顏色都唔同。舉個例子，如果印度人或非洲人，肌膚顏色屬於深色，一定唔適合755脫毛，因為755對黑色素非常敏感，如果印度人或非洲人黑色的吸收豈不是連皮膚都燒傷了？ 所以EVR BEAUTY治療師一定會問客人之前有無曝曬，無曝曬先可以做激光脫毛！

激光脫毛原理係點解？

好多學生或者女士都會考慮激光脫毛，永久脫毛，一勞永逸，不過甚少客人知道激光脫毛的原理，有啲可能一知半解，因為其他美容院不斷硬銷或者疲勞轟炸最後加入了自己都不知道係咩嘅療程，EVR BEAUTY激光脫毛點解要整激光脫毛學堂，其中一樣就係希望大眾可以更加了激光脫毛原理，知道何謂永久脫毛。

首先，激光脫毛的永久脫毛不代表脫到一條毛都無，根據美國FDA定義，永久效果是指接受脫毛療程後，可達致長效毛髮減少及生長週期減慢。 效果因人而異。所以如果有任何一間脫毛中心同妳保證永久無毛毛，一定係假嘅，係為左TUM妳買療程講嘅大話。點解效果因人而異？ 因為個人的荷爾蒙可能轉變，例如今日嘅女仔做完激光脫毛，可能之後成為媽咪，因為懷孕荷爾蒙轉變，都可能毛毛會重新長回。

咁你會問： 究竟激光脫毛點樣發生？點解會有效？

首先我地要知道激光波長多數取決於生物組織中的目標光質。可能要講講生物學啦，我地皮膚組織，有3樣目標光質，分別係水，血紅素，黑色素。好明顯脫毛一定選擇嘅係黑色素，而最適合亞洲人嘅波長係755NM。咁激光波長目標係血紅素有咩用呢？ 主要係用黎刺激膠原蛋白增生，就要用其他波長啦。總之唔同波長有唔同作用，例如之前報紙有報大量皮膚燒傷嘅客人，因為用左CO2 laser， 因為哩隻激光對目標光質：水，特別有效，所以坊間亂用laser幫客人做CO2 激光將客人皮膚表面的水分全部蒸發，梗係導致燒傷。但係激光脫毛採用755 波長，唔會對水或者血紅素產生反應，只會對黑色素產生反應，所以客人就唔會有燒傷的情況了。

講到755nm對黑色素最有效，點解客人又要幾次4–6脫毛先至達到效果呢？原因就係毛髮週期。

毛髮分左3個週期：生長期，休止期，退行期

激光只會對生長期嘅毛毛有用，原因得一個，唔係因為生長嘅毛毛黑啲，所以吸收勁啲。原因係因為只有生長嘅毛毛係黏著毛球同血管，激光透過毛髮，將能量傳入毛髮嘅目的係要破壞血管，所以之後客人都唔會係同一個毛囊再生毛毛。休止期同退行期點解唔得？ 原因好簡單，就係因為離開左血管，激光達不到毛髮底層破壞血管，所以EVR BEAUTY成日同客人將，拔左毛就要等起碼2 星期先可以做，因為你無毛髮，做激光都無用。

網站資料

EVRbeauty激光脫毛中心: evrbeauty.com

EVRbeauty facebook: facebook.com/evrbeautylaser