奇異大世界 STRANGE WORLD

迪士尼可愛科幻歷險故事

11月24日 英/粵配音 #岑珈其

🍀故事簡介

岑珈其 所配音嘅主角Ethan艾文，佢地一家人住喺一個被冰山圍住嘅地方，歷代都有人用盡唔同方法都走唔出。

主角阿爺同阿爸都係探險家。25年前主角阿爸偶然見到一種可以發電嘅植物，立時決定將植物帶回去研究，而阿爺就選擇繼續獨自前進。

之後時光飛逝，阿爺不知所終，而主角阿爸將棵發電盤果發揚光大，電力將城市變得現代化。大發現發電植物開始有大規模枯萎嘅問題而要去解決⋯⋯

🗻🌲優勝美地

色彩鮮艷果凍世界：簡單就係同公司嘅《阿凡達》家庭版。未知世界 Avalonia 嘅探索旅程畫面好精美。

前往核心前要經過腐酸海洋（胃），藍色小細胞叫啲好可愛嘅幫手，順着交響曲嘅節奏你避開危險！

虛構生物造型特別，尤其去到核心飛嚟攻擊嘅橙紅色螢光飛鳥好有 Tron 嗰種高科技chill感覺！

🌈💞💯

迪士尼夠薑同性愛情喺呢套戲喺主角對白帶出嚟！作為主角，岑珈其所配音嘅艾文一開始就有明確嘅男男情侶嘅對白，而且服飾亦比較中性化唔講Ethan都唔知係基仔嚟。不過亦因為「基」，題材比較謹慎，迪士尼大約掂一掂又唔可以講得太多。

粵語配音對白還好，一路去山旮旯都有種熟識感覺。同爺爺嘅互動都幾得意，成日sorry咁。咩姐，好明顯喺撐年紀最「細」嘅配音先睇套戲。

片頭從瀑布以上嘅迪士尼城堡好特別，然後配上「慶祝100周年」字樣！前往目的地解悶嘅《原始世界》boardgame帶出並無「反派」壞人嘅伏線，好似Forzen咁王子係衰人咁，畢竟成日一式一樣嘅故仔大人睇得厭，有新嘢好！

♿️🐕

不過男主角所養嘅狗、城市中不同無障礙輪椅元素今次電影係畫面上提及，不過同主線就冇咩關係，可能再出特別短片嚟補充狗仔嘅背景都唔定 喺Disney+上面。笑點唔多，睇嘅特別場好多細佬都唔太引到佢地笑。父子和解得太快，廿年無見一趟旅程就咁無曬矛盾一齊開心過時過節耕田。

🐢💙山後世界

去到最尾一切都揭曉，佢哋身處嘅地方原來係一隻超巨型龜嘅貝殼上邊，成個星球都係海洋一片藍色。故仔用唔同嘅生物呢隻袋返人嘅唔同器官，好似膚色海洋其實係隻大龜嘅胃、識飛嘅橙色魚其實係運送氧氣嘅血小板。而盤果其實喺病毒害蟲對隻龜嚟講。初頭係要有耐性但中段嚟料。

故事結尾無咗廿年賴以維生嘅發電盤果，但社會變得更進步。有新嘅事物出現，一啲習以為常嘅事物就變得無關痛癢。

最可惜呢套戲推廣唔多，身邊都無咩人知呢套戲咁。好似LinaBell咁，起源地唔一定受歡迎，但唔同地方唔同背景嘅人又唔同諗法。同性題材嘅電影或者揾翻啲「自己人」有大啲市場

多謝迪士尼！