AlexKCC

crypto, outdoor, nature, books.

《自由不是免費的》讀後感

發布於
「沒人有權利要求別人做烈士,自願選擇這樣做的人,我們只有尊敬他。」- 查建英

一本屬於兩位作者嘅對話錄,真係紀錄咗嗰十日吹嘅水直出對話,唔係一般睇開啲書咁好有系統梳理思維脈絡嘅起承轉合,第一日吹咩就吹咩吹吹吓轉又得,第四日又可能講返少少有關嘅嘢重複少少,當然唔多。但每日完都完得好兀突,總係覺得佢冇完整篇哂出嚟。

不過唔緊要,已經好長,有講中美中日關係、中国日本美國社會、美國左右派之爭、民主定專制、兩位作者嘅個人遊歷、六四前同六四後嘅中國、metoo、男女,同性關係、婚姻、虎媽羊媽、對香港2019夏嘅觀察、移民美國入籍嘅心態心境變化、印度、點為之愛國等等……

一位係親歷六四後移民去美國嘅作者、一位係日本長大去中國讀北大嘅作者,咁講好似好頹,其實兩位嘅輸出好多。可以話本書係兩位咁多年吸收返嚟嘅精華,行文流暢因為睇落就係聽人傾偈咁簡單,想仔細啲咁由中美、日中作者把口聽佢哋睇嘢嘅角度本書絕對啱你,但如果你好想好專門睇一個題材的話你可能覺得依書成六百頁唔值得用咁多時間睇。

身為一位自豪中国人,引用日本人加藤嘉一嘅一句做完結:

「只要你是中國人,你在這個地方的生存和生意就會被扭曲,你就必須服從中國的規則,不管是當公務員還是過馬路。既然體制是扭曲的,那麼佔便宜賺錢這件事你就是要不過去的。問題在於,你認識到你是佔了被體制扭曲的市場的便宜。既然佔了便宜,就應該感到羞愧。」

btw遲早變禁書。

#自由不是免費的

英文書名:”Freedom is not Free
ISBN: 978-988-871892-4
作者 (講者): #查建英 #加藤嘉一
紀錄:陳卓
出版: Oxford University Press

#中美 #中日 #美日 #自由 #freedom #freedom_is_not_free #讀後感 #圖文並茂 #書 #書中自有黃金屋 #書中自有顏如欲玉 #閲讀報告 #books #書籍介紹 #閲讀 #閲讀筆記 #閲讀筆記 #講讀

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明

文明的教訓:「自由」不是與生俱來

《來生不做中國人》讀後感

中國 與 中国 有何不同?

看不過癮?

一鍵登入,即可加入全球最優質中文創作社區