回魂夜

心臟大力咁跳動，睜開眼，幾點？拎起手機3點25分。

打開fb，青衣長康邨疏散居民，淘大2.0？狡猾嘅病毒，無能嘅專權，社區爆發係必然。唔係U型喉管，係排氣喉。頂，早幾日工人先講天井位會傳嚟樓上苛屎臭味。密集嘅高樓，避無可避，除非單棟屋。

轉落去，【上流寄生族】奪得奧斯卡最佳電影。電影中窮人住嘅地牢（屎尿係日常），同有錢佬大屋嘅地牢（核戰避難所），天淵之别。屌，林奠住單棟港督府，依家瞓得著嗎？廁紙唔識買，更加唔會識屎渠。搞到一地屎都有第二個同佢抹。

下一段又係奧斯卡，最佳男主角【小丑】Joaquin Phoenix。初次殺人之後，驚惶返到屋企，係浴室對住鏡，忽然跳起舞，放低抑壓，徹底活係虛妄中更快樂。之後張相係 full gear 匿係後面嘅黑警，同埋最低裝備走係前線嘅醫護同消防。電影中嘅群眾擁護小丑係有理。

接住，師妹寫2020嘅目標 : 生存！

P.S. 冇插嘅一段 : 生化武器少將掌管P4，川普指令FBI徹查WARS源頭。現實比電影更荒誕。

*原寫於二月十一日半夜