重讀四小龍

藏書中有哩本【四小龍經濟奇蹟】，本來想Free出去，之後又收返想睇吓香港嘅前世今生。

四小龍嘅奇蹟都係走上一條出口導向嘅工業化之路，配合二戰後嘅大環境而成功突圍。

上世紀九十年代香港去工業化瞓身紐倫港，加上全球大放水，似乎好掂。但今日？南韓早就拋離好遠，唔止有先進嘅消費電子業，師承香港文化嘅影視更横掃亞洲，直追荷里活。星加坡早就擺脫1997金融風暴嘅陰霾，而且更積極發展高科技製造業，其醫藥行業係今日梗有運行。台灣嘅晶片業依家仲威，揸住全球電子業命胍。

本書係哈佛東亞專家傅高義係1991年所寫，結尾已經點出言論自由同民主化嘅大趨勢，我成日提南韓人話文化產業嘅興盛係因為民主化，偏偏香港就倒行逆施。

傅高義嘅重要著作有【鄧小平時代】，舊年去逝前要寫胡耀邦，佢係專家也係有心人，可惜強國人只係睇佢講崛起而唔睇佢講嘅趨勢與挑戰。