抗癌日記 ( 6 月 18 日)

(上集)

現在我正身處沙田最大果間醫院的耳鼻喉專科的候診大堂，等睇另一位醫生。因為預計等候的時間會相當漫長，所以打算先寫今天日記的上半部份，下半部份留待今晚繼續。

其實發現癌症復發的過程是頗戲劇性的：腫瘤科私家醫生當初建議我六月初照PET-CT 作預防性檢查時，也不是有任何病徵堅持我非照不可，而我原本亦打算等待至七月中威爾斯腫瘤科覆診的時間，才安排照PET-CT。只是有幾天肚子不舒服，擔心自己腸胃出事，加上工作實在悠閒，可以仔細閲讀有關醫療保險的條款，發現原來公司可以 reimburse PET 檢查，所以才決定提早一個月檢查，結果和癌症碰過正著。

至於為什麼會心血來潮去睇私家腫瘤科醫生的原因更是「搞笑」：前段日子為了build up muscle, 所以學做深蹲和平板支撐，結果手指腳指有點麻痹，因為害怕是上年化療的副作用，所以才登門拜訪她，會開始了往後一連串的事件。

或許這也和我上年3 月發現鼻咽癌的經歷互相揮映: 由農曆新年後開始發覺痰有輕微血絲，但也沒有太多理會。到之後因為鼻鼾太大聲，使自己不能入睡，害怕自己有睡眠窒息症，加上轉工在即，不想浪費公司醫療保險的保障，所以才急急腳約Joanna 相熟的耳鼻喉科醫生睇睇，結果一睇鼻鏡，再抽活體組織，便確定患癌了。

兩次的發現皆是沒有任何相關而嚴重的徵兆，但好像上帝都安排我沒有在病情發展得更差時才查覺。

耶和華說：「這棵蓖麻你沒有為它操勞，也不是你使它長大的；它一夜生長，一夜枯死，你尚且愛惜；何況這 尼尼微 大城，其中不能分辨左右手的就有十二萬多人，還有許多牲畜，我豈能不愛惜呢？」

（‭‭約拿書‬ ‭4:10-11‬ ‭RCUV‬‬）

 這是我當日讀神學時用來做功課的經文。雖然成績不俗，但其實真正的信仰是必須透過生活來經歷，而苦難就是將信仰實踐的最終極表現。

（下集，提早寫)

痛，好痛，超級痛。

坐在病人桌上，望著醫生用各種儀器又篤又吸，到最後攞左把好似鉸剪的「架生」在我的鼻裡夾組織出黎化驗的時候，我已經沒有太多「抗拒」的力量，反而選擇極阿q的精神去應接災難：你不如試吓再痛d 呀笨！

不過其實醫生都已經好nice 好溫柔，係果件事本身就係痛(隱約聽到好似要整鬆啲鼻骨再夾佢出黎）。

到底痛楚有沒有帶來好處呢？這位醫生（Fact checked：呢度阿頭）好肯定咁話我鼻咽果度唔係癌細胞（Background knowledge: 通常醫癌症ga 醫生都會只會講 （好似、相信係/唔係，傾向覺得），能夠講到咁decisive ，其實都已經夠我開心一兩日，所以決定買枝維記鮮奶再返公司執埋d手尾佢先走。