日本某年紅葉之旅 (4)

[好幾年沒有外遊, 加上疫情下沒能外遊, 只能翻看自家陳年日本旅行遊記並分享舊文章來抒懷]

第四日 — 某年11月16日

是日只得一站 — 鞍馬 + 貴船

今日諗住去睇紅葉, 最後又係冇乜紅葉睇, 全日變左去行山, 晨早7點幾坐車去行鞍馬山, 行左成4至5個鐘冇抖過, 真係估佢唔到係行咁耐 :-P, 好彩之前上網research過, 由鞍馬行山咁行去貴船, 好過由貴船行山咁行去鞍馬, 鞍馬行山果part真係行到攞命的, 好彩行完果part之後冇咁苦 :-P

最後由朝早行到去晏晝, 連lunch都係在鞍馬山入面既日本料理店度食, 盛惠2100yen, D野食都幾多幾OK既, 但如果平D就更好囉… :-P

最後行到下午3點幾返JR京都站, 再返到大阪已差不多晚上6點至7點左右, 再由關西機場搭內陸機去東京, 去到成田機場都晚上8點至9點了, 在東京站商店街 dinner 完就返東京 hostel 訓一晚, 準備之後果日去既景點, 下一日去果度既 Views 對我來講係全個trip其中一個高潮 XDXD

第五日 — 某年11月17日

今日去東京「一天精華遊」, 雖然之前都plan左將來搵一年既十一月尾正式去東京玩幾日睇紅葉, 但係今日想去D十一月中至有但十一月尾就未必會見到既紅葉景, o係成田山公園同國營昭和紀念公園之間, 我揀左國營昭和紀念公園, 最後覺得~~~果然冇揀錯, 果度除左有好多唔同stage既紅葉睇之外, 仲有好多靚到核爆既黃葉 (銀杏葉) 呀~~~真係超正, 對我來講係成個 trip 第一個高潮 XDXD

果日朝早6至7點左右就起身去東京JR車站轉車去國營昭和紀念公園, 在車站外例牌影番張「車站全相」:-P, 之後「拿拿淋」轉車, 上午8點幾到左公園外, 上午8點半左右至開始賣飛, 但已經有唔少人排緊隊等買飛, 我心諗: 難道呢度既紅葉真係正到咁多人來睇? 但o係門外又唔見d紅葉好靚喎…

到買左飛, 上午9點正式入場果陣, 我都係半信半疑咁入去, 雖然D紅葉未去到全紅, 但果度既紅葉因為有唔同stage, 所以由綠色, 橙色, 紅色, 黃色, 棕色既楓葉都見到, 個景觀都唔錯, 不過未至於靚到吸引咁多人入場睇喎~~~

之後在公園search紅葉行到有點疲倦, 在公園內食完三文治便當, 諗住行多一陣就走去成田山公園行下search 紅葉之際, 俾我發現有少少靚黃葉, 於是就o係公園漫步欣賞黃葉, 中間見到有人帶埋monkey仔賣藝, 就坐低左一陣睇show, 真係幾好睇, 不過趕時間冇打賞佢地就走左了 :-P

之後諗住坐下小火車去番入口位就走, 沿途見到公園內唔同地方D景都唔錯, 又有天然輕快既微風吹住咁幾正架, 之後見到一道地方有好靚既黃葉, 即刻跳車出去睇黃葉, 見到d黃葉好多好靚, 除左見到幾條好靚既黃葉隧道外, 仲去到一個好正既公園廣場度欣賞靚到核爆既黃葉公園景觀, 對我來講真係超正既視覺享受 XDXD, 我o係果度忍唔住慢慢漫步行下坐下咁欣賞黃葉, 又影左唔少相 XDXD

留左好一陣子之後, 再坐一次小火車繞場一周就走了 XDXD, 最後果日因為俾黃葉迷住左而在公園由上午8點幾留到下午3點至4點 :-P

然後就坐車返東京JR車站商店街度 dinner, dinner 完差不多晚上6點左右就去等坐子彈火車, 跟住開始黑仔了, 何解咁講? 因為等左好耐都冇去新大阪既車, 果度月台又無位坐, 我就企左o係度成粒鐘企到晚上7點半左右至上到車….仲要係行得最慢果架車…去到新大阪已經晚上11點至12點, 之後等JR轉車到 hostel, 中途由於擔心 hostel 關門唔俾入（我在其他遊記也提過, 有些 hostel 有門禁, 過左晚上12點就關門唔俾人入, 我呢間都係...）, 係咁打電話去 hostel 叫等埋我, 但係試左好多次, 都試唔到點打去 hostel, 於是諗住用 whatsapp 找 fds 諗住D fds就算諗唔到計都可以吹下水冇咁驚, 最後斷斷續續咁撞方法試打電話, 終於打到俾 hostel 當夜班果位台灣藉既伙記, 佢肯等埋我至收工休息, 太好了, 謝天謝地~~~最後將近半夜1點至返到去, 佢同我講我咁夜至搭到JR返到去好正常, 因為新聞話夜晚有人跳軌, 唔知係咪我搭果幾程車其中一程呢…@@

最後雖然黑仔, 但都算有驚無險咁返到大阪 hostel, 最後沖涼後上一陣網 hea 一陣, 將近半夜2點就訓覺, 訓醒第二日繼續京阪神漫遊 XDXD

#日本 #遊記 #旅遊 #旅行 #化讚為賞 #化like為coin

讀者如喜歡這篇文章 ，可於文章最下方按下Likebutton以示鼓勵及支持，若讚賞公民請先登入再按下Likebutton ，最多可按5至6下，而其他人士也可以於網絡了解LikeCoin及考慮是否註冊成為讚賞公民，若想成為讚賞公民可按以下連結︰https://likerland.app.link/?event=app_referral&referrer=tracy2018（下載APP登記註冊並通過短訊驗證後，你我還可有機會各獲 100 LikeCoin 作奬勵）