TREND.HK 潮科技的編輯,以新潮科技的硬件產品為主軸,集合最新科技和娛樂資訊於一身,也有介紹遊戲和消閒等題材的文章。

【區塊鏈小知識】區塊鏈遊戲同一般 Game 有咩分別?

Blockchain 既另一個 Applications 就係區塊鏈遊戲,咁到底遊戲類既 DApp 同一般遊戲有咩分別呢?

一般既遊戲所有資料都會儲存係遊戲公司既 Server,遊戲商可以濫發稀有道具同隨意更改遊戲數據,甚至有權力 Ban 左你既 AC,而當遊戲廠商執粒既時候玩家就一無所有,無論課左幾多金到最後都好難換返真錢,玩悶左只可以賣 AC 黎Cash Out。

就好似以呢款以太坊上面既遊戲 Etheremon 為例子。

上面既所有精靈(?)都係真正屬於玩家既資產,每隻都有獨特既 ID,Security 都會受到成條 Blockchain 保障,無咁易俾人 HACK 到,可以俾玩家以 Ethereum 交易,從而去各大交易所 Cash Out。就算開發遊戲間公司執左,用戶都仲會擁有呢啲虛擬資產。呢個 Game 只係舉個例子,市面上仲有好多其他 Blockchain Games,唔係想特別推介呢隻,只係有個 Example 易說明啲。

雖然 Etheremon 官方已經停止營運,但 Community Version 仍然存在,普通玩家依然可以透過以太坊錢包玩到呢隻 Game 同保存、交易佢哋既道具,呢樣正正具現左去中心化遊戲既精神。

試想像下 Pokemon GO 呢啲咁多廢老玩既 Game,啲玩家夾埋都唔知課左幾多億金,但就好難可以變返真錢或者俾官方封 AC 就乜都無晒,但區塊鏈遊戲就可以令玩家真正擁有呢啲遊戲上既虛擬資產,有幾稀有都無得老作,全部係 Blockchain 上面有晒 Record,永久保存 (只要條 Blockchain 仲有人用),就算棄驚都可以同其他玩家交易,將啲錢用黎買下隻 Game 既道具。

而家既 DApp Games 畫質越黎越靚,UX 都開始越黎越好,話唔定係 Crypto 進入現實生活既契機。

博客文章由每日幣研提供

【區塊鏈小知識】區塊鏈遊戲同一般 Game 有咩分別?

區塊鏈235
1
1

看不過癮?

馬上加入全球最高質量華語創作社區,更多精彩文章與討論等著你。