whatif

文科畢業生 - 愛文字、愛看劇、愛旅行...更愛香港 隨心寫我心

[我的職場: 變臉最快的職場豬隊友] (LIKED ID: whatif46444)

發布於


唔知大家有無睇過國粹- 變臉,第一次睇時真係覺得好神奇,咁快就可以換咗第2塊面,但有無人留意日日返工都會見識到呢項傳統國粹,變臉之快, 大師都追唔上!!

上回講到水水姐姐本身學歷唔高, 但憑個人本事捱咗20年終於上到位,為辛苦保住自己地位,所以佢建立一個好親切形象。

水水姐姐表面上甚為親切, 初初入呢間公司真係以為佢勁好人, 成日關心你,去旅行每人一份小手信, 經常請食飯, 仲企埋同一陣線講老闆是非,但同時又同FD底老闆爭取大家權益。

我最初入黎時, 都誤信呢一套,但呢套假惺惺點會包得住。而一眾小妹妹更加唔受呢一套, 仲反抗起黎。明明水水姐姐係土炮, 但唔知係邊度學咗D 西方禮儀,異常鐘意熱情攬人。曾經有同事妹妹, 直接同佢講唔鐘意呢啲身體接觸, 水水姐姐知道後表示極介意, 話部門之間應該要有啲溫暖!

而呢位妹妹完全唔係水水姐姐喜愛個隻聽聽話話無思想個隻, 可能因愛成恨, 竟然有人會唔鐘意自己,無幾耐就開始玩針對, 但又唔止係你面前做到出面, 仲會係背後大力推動。例如完全唔同佢講野啦, 啲工作叫下屬同佢講, 更加同FD底老闆數佢不是, 或者搵位冼佢,甚至, 佢會坐係後面個位公然講佢不是。

呢樣都未算最離譜, 見高就拜性格更見綠茶婊一面!

首先, 佢同女老闆關係情同姐妹, 真係會一齊食飯,去旅行做運動。女老闆份人佛系又單純, 梗係唔知佢背後動作。小編當然深明每間公司都有呢種小人, 但係, 最氣憤係佢對低級過佢態度。

聽其他部門同事講, 本身三唔識七, 當知道呢位同事職級以及同老闆係好朋友, 每次見到就熱情到好閏蜜咁, 到呢位同事因公事出事落難,水水姐姐即係割席都割唔切!

亦有低級過佢表示自從知道原來老闆有啲交情, 水水姐姐熱情度會由0直去到100, 即係本身由招呼都唔打,變到熱情到不得了~

而面對低級過自己當然會睇唔起, 對ADMIN 尤其反映出黎,試過因為有份JOB, 大老闆指明由ADMIN 做, 佢竟然出言不遜同admin 講:「其實呢d 工作唔應該係你呢啲 admin 仔做」, 搞到高學歷admin 嬲到爆炸, 係辭職時都參佢一本去到大大老細度,連admin 姐姐個老外上司都不禁話呢個女人: She is really a bitch!

其實本身學歷實力多少唔重要, 講起尊重別人講禮貌, 係水水姐姐心目中…真係…高層先獨享啦~



<我的職場 - 雙重標準才是上司標準>

最____的職場豬隊友,快點來倒垃圾啦~

發布評論

看不過癮?

一鍵登入,即可加入全球最優質中文創作社區