香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。

Blockbuster and Netflix的前世今生

2020 年 7 月 28 日

Blockbuster and Netflix的前世今生 - 『工業轉型的道路』

我相信讀者們都有聽過或者用過Netflix, 反而對當年雄霸全球嘅blockbuster 反而越嚟越少人記得

大家可能唔知道

Netflix 呢間好似好新嘅公司實際成立於 1997 年的美國，當時喺北美洲寂寂無名

一間靠電影租賃方式營運起家，商業模式很簡單，用戶可以通過郵箱接收或者在線方式觀看DVD。

當時社會普遍嘅人都認為呢個營運模式唔會做得起

當時Netflix 的競爭對手係美國電影租賃連鎖公司 Blockbuster（百視達），Blockbuster 嘅商業模式就係最傳統的門店租賃錄像帶生意，在 2000 年的時候便擁有 528 家連鎖店，2000 萬訂戶，聘用著 4190 名員工。最高峰時期，全球甚至擁有超過60000名員工和9000間鋪

Netflix 發展很快，在 2000 年已經擁有 12 萬訂閱用戶，然而同時虧損高達 6000 萬美元，那時候正值科技公司泡沫破滅，大批公司倒閉，華爾街只要見到科技公司都會多加防備。

當時只有12萬用戶嘅Netflix 創辦人Reed Hasting曾經喺二千年想將Netflix用$5000萬美金賣盤比Blockbuster

Blockbuster CEO John Antioco 事後接受訪問講當時嘅會議：「 Oops. I really screwed up that time.」

當時佢真心覺得Netflix 嘅存在同開價係一個天大笑話，呢間公司只係眾多科網泡沫公司之一，之後就一腳申咗佢走。

John亦都坦誠承認，到佢察覺唔可以再笑嘅時候已經太遲

Reed Hasting 被 Blockbuster 拒絕之後，灰頭土臉地回去，裁掉了 40% 的員工。

呢一個決定，當時令佢心痛欲絕，但係佢深信呢個係為公司長遠嘅路係正確嘅決定。

到 2001 年底公司訂戶竟然增加到了五十萬。在大部分科技公司一片愁雲的時候，Netflix 的意外增長引起了資本市場的注意，融資 8300 萬美元，於 2002 年在納斯達克成功上市。2003 年 3 月，Netflix 用戶破百萬，

Blockbuster 突然醒覺，準備開展網上租賃業務狙擊 Netflix。

Blockbuster 大部分的盈利來源都是基於唔記得準時還回錄像帶的罰款，要知道呢啲罰款一年能帶來 3 億美元的現金流。

而Netflix 就唔同，一個月只要 10 美元，可以同時借兩套戲，所有DVD都係通過郵寄投送。喺網上可以將自己想睇嘅DVD預約排隊，睇完再寄返去，Netflix 便會將你後面預約嘅兩套再寄過來，如此往復，讓你愛上這種便利便宜的借碟方式。

由於係收取月費，沒有高額違約金，並且這個價格相比Blockbuster實在係平太多啦

本以為會係一場惡戰，但頗為戲劇化，Netflix 沒花費多少力氣，Blockbuster最終因為低估咗行業轉型嘅潮流，喺2010年正式被淘汰並以破產收場

原因也很簡單，違約金呢種單一營收模式很脆弱，經不起 Netflix 模式的衝擊。當時 Blockbuster 也考慮過取消罰款，但是會影響加盟店收入，加盟店主們一定唔同意。

另一方面，Blockbuster 之前並沒有接觸過網上借閱服務，所以在 2003 年才開始的話，已經和只做網上借閱的 Netflix 不是一個起跑線上的了，何況還得小心翼翼地做，也不敢投入多少人力財力，以防激怒加盟店主，搞到成件事進退失據。隨著時代的發展，網路的飛速發展，Blockbuster 還在傳統模式和新業務之間猶豫，虧損越來越多。

截至 2015 年，Netflix 在全球將近 50 個國家，擁有接近 6000 萬用戶，營收 60 億美元。雖然公司的年利潤只有一股四美元左右，但是股價卻高達一股五百多美元。他們利用超過 100 億次的用戶觀看紀錄大數據來分析觀眾喜好，成功重新塑造家庭電影市場嘅營運方式成為一代傳奇

我哋香港今日面對嘅轉型，實在係好似Blockbuster一樣。

有人仲係拎住老本喺度慢慢食，有人已經放低一切，創造緊全新嘅營運模式

本文轉載自 ‘智慧社區 Wise Community’ Facebook 2020年6月6日貼文