WiseCommunity
WiseCommunity

香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣,去中心化金融,區塊鏈技術都涉及相當的知識及理解。 如果無一定程度嘅理解,你就算選擇正確的投資平台或工具,都難免成為"韭菜"一族,任由鯨魚們收割。 我希望一點一滴咁為大家收集和分享每日全球科技金融的知識和新聞,每日為大家充值信念,陪伴大家做『踏浪者』去享受科技金融嘅樂趣和資產增值的機遇。

掛羊頭賣狗肉的意識形態之爭

正當全球因為疫症停擺出現金融危機,各國都出現大印銀紙救經濟嘅行為

大家有冇留意到其實無論中國定係美國都做緊一啲同自己理念好唔相同嘅行為

行”資本主義”嘅美國因為避免任何公司倒閉而決定大規模印銀紙去救全國嘅大型企業,每間公司都係大到不能倒,用盡納稅人嘅錢去搞大鑊飯經濟,人人有飯開,實行共產生活

行”共產主義”叫中國放棄大水漫灌嘅政策,保留中央體系嘅實力,由得全國嘅民營企業自生自滅,實行汰弱留強嘅做法,十足十資本主義嘅理念

其實雙方面都同理念背道而馳

到底喺未來嘅日子邊個會跑出?實在係未知之數。

其實作為香港人,我哋明白東西方體制嘅優點與缺點,多年來一直遊走兩個體系嘅空隙,係一個非常特殊嘅存在

而我哋比起任何人都更加清楚兩個體制都已經走到極端,到底未來嘅世界乜嘢意識形態可以行到最尾?

我嘅答案就係:”集體意識形態”和”無需信任”體制嘅新模式

因為任何一種嘅意識形態主義都係為咗”地方”和”人民”可以”長治久安”,而每個地方對於「長治久安」嘅定義都唔同,只有當地人先可以代表去決定呢個definition

而且因為有人嘅因素滲入其中,所有好嘅主義最終都會俾人嘅行為摧毁而變質

Blockchain 嘅核心價值就係無需要對人嘅”信任”,所有都係absolute 嘅數學同算法,仲要係公開透明比大家去睇

所以Blockchain嘅最終目標就係如實反映透明化集體意識嘅共同結果,可以話係共產思想嘅烏托邦。所有人都係”參與者”,而並非”產權擁有者”。

喺未來,人民未必需要有政府嘅出現,因為區塊鏈已經解決左人與人之間嘅不信任,可以由區塊鏈嘅體系去進行公開投票,公開決策,公開記錄,公開參與討論及改善法規嘅變化,唔再需要倚賴「中央化」嘅公營機構去大量浪費公共資源去在扮演「公平公正」嘅第三者

雖然呢個理念非常之烏托邦,呢一刻對於好多平民百姓來講都係不敢想像,但係我可以好肯定咁講,總有一日會出現一個咁樣嘅體系,呢個就係未來一百年人類需要嘅信念同追求

當呢一日到來嘅時候,就係John Lennon Imagine歌詞入面描述嘅世界

#decentralize

#烏托邦

#掛羊頭賣狗肉嘅意識型態

#人類需要新的故事和信念才可以向前行

‘智慧社區 Wise Community’ Facebook 貼文


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论