香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
底線與標準
其實過去10幾年，由於做建築工程嘅關係，我經常要走遍大江南北同埋唔同嘅國家根據合約要求去採購好多唔同嘅建築材料
作為承建商，其中一個最搵錢嘅方法就係「慳」物料錢
只要使用嗰款物料嘅數量夠大，每一款物料慳得到返嚟嘅錢都非常之可觀
當然話慳錢，你唔能夠冇底線地慳
傳統地盤佬俾人嘅感覺就係搵啲垃圾物料返嚟去替代合約要求嘅物料，咁就可以賺到盡
其實今時今日，以香港一般地盤監管程度既嚴謹程度，好難再有可能用垃圾物料去做大型工程。
香港政府出嘅合約一般都唔會再有牌子名，避免俾人話係壟斷市場
不過作為政府官員，佢又點可能會識得晒每一款建築材料嘅特性，好多時都係靠唔同嘅建築材料公司提供specification & product property資訊俾政府阿Sir去到放落合約當中
所以，儘管冇寫到牌子名，但係當你問晒全香港嘅市場之後，根本只有一間公司嘅產品可以滿足合約內容，變相都係冇得揀
我覺得最好玩嘅地方，反而係點樣喺世界上面搵到合乎合約要求質量嘅代替品品牌
因為其實你只需要認真熟讀產品標準內容，就有辦法將合約「指定」嘅某牌子「技術性」擊倒
為咗要「技術性」擊倒呢啲「指定」牌子，我曾經直接前往歐洲意大利，由米蘭揸車落到南部，再直接揸埋架車去希臘同四五間外國大型公司進行進行磋商，成功引入幾個建築材料牌子入香港
我咁樣嘅做法，可以話係直接打爛人哋飯碗，令到香港「指定」品牌嘅代理怒髮沖冠，但係佢都真係冇我辦法，因為我真係跟足遊戲規則去玩
但係會咁樣做嘅建築公司可謂少之又少，因為打份工姐，點解要同你老細咁博命，慳咗嘅又唔會有錢分
當然，一樣米養百樣人，依然會有人選擇鋌而走險，用一啲不良嘅手段去串通監管人員，從而方便自己或者公司搵著數
當監管人員開始接受腐敗，放棄監管嘅身份，成個制度就會變到冇得救
就等於上年其中一隊全球最知名最優秀嘅監管機構選擇放棄監管人員呢一個身份嗰一刻開始，整個體系嘅紀律，威嚴，標準，同埋底線就已經蕩然無存，一去不返
香港之所以有今日嘅繁榮，一直就係有賴持份者大家肯跟遊戲規矩去玩。既然夠遊戲規矩已經崩壞，我相信未來一定會出現一個大家可以接受到嘅新遊戲規矩令到成個城市重拾正軌
本文轉載自 ‘智慧社區 Wise Community’ Facebook 2020年7月21日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…