香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
不再需要專才的世代，香港80後和Z世代面對的新挑戰
香港曾經係一個全球最輝煌嘅城市
我哋嘅金融業，醫療系統，交通系統，商業活動節奏可以話係全球數一數二
作為80後和Z generation，大部分一直喺呢個大城市成長，並將呢一種背景同埋城市嘅成功因素”take it for granted”，即係廣東話嘅「老馮」，過去太平嘅日子都非常專注享受生活同埋娛樂
多年來香港嘅發展着重於旅遊業，金融業和服務業，並大量倚賴「專業人士」去確定社會運作係喺”專業可靠”及”最高誠信”嘅制度下運作
但係我哋香港人好特別，對於工業，生產業或者製造業嘅行業和從業員嘅理解同尊重係非常之低，亦都懶得去學習，但係喺未來嘅世界呢一啲知識係必須要有
呢一樣野係從我哋嘅文化生活習慣同埋傳承咗長輩們嘅態度累積而成的
時至今日當世界政局正在變動，我哋嘅城市既有嘅系統已經出現根本性嘅變化
呢一種賴以維生嘅營運模式已經逐漸消失
好多朋友喺成長嘅過程都係傳承左父母一代對社會嘅理解同埋認知，將自己嘅專長，”專業資格”睇得太高。
其實大家有冇諗過”專業人士”嘅存在，就係用嚟維繫「信任」呢一個核心嘅元素
喺未來，當區塊鏈技術逐漸成熟同埋落地應用，大量傳統維繫「信任」嘅工作崗位將會被程式取代，社會對”專業人士”呢一個工種嘅需求會大大減少
當然我唔係話專業人士嘅知識唔重要，但係喺未來嘅日子要求生，佢必須要掌握一啲電腦，STEM，Marketing，製造業，工業等等嘅基本知識去協助佢自己個人同埋公司嘅產業轉移，先可以喺市場佔一席位
係好短嘅未來，能夠成功跑出嘅公司核心成員必須要係一個「雜才」而唔係「專才」
作為80後同Z世代嘅你，去到人生就快30同40歲，有冇好好評估過自己喺未來世界嘅價值？
其實呢兩代人有好大嘅優勢
我哋見證過香港未曾發跡嘅時代
見證過香港高速發展嘅年代
見證過科技網絡時代嘅發展
普遍都識得中西文化三文兩語嘅技能
思想嘅靈活學習嘅速度都比起上一代人快好多
我哋已經喺社會工作左10年以上，擁有實戰經驗，開始逐漸嘗試落地應用
而最重要嘅就係我哋依然有好好嘅體能去繼續學習新世界嘅知識，特別係電腦科技嘅知識
所以80後同Z generation嘅你，當下有冇為自己去籌備下一個10年嘅安排？
要有將自己擁有嘅學識，認知，根基全部打破，放埋一邊，去擁抱同接受一個全新嘅未來
只有放棄現在所擁有的，才可以擁有更多未來
本文轉載自 ‘智慧社區 Wise Community’ Facebook 2020年7月10日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…