WiseCommunity
WiseCommunity

香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣,去中心化金融,區塊鏈技術都涉及相當的知識及理解。 如果無一定程度嘅理解,你就算選擇正確的投資平台或工具,都難免成為"韭菜"一族,任由鯨魚們收割。 我希望一點一滴咁為大家收集和分享每日全球科技金融的知識和新聞,每日為大家充值信念,陪伴大家做『踏浪者』去享受科技金融嘅樂趣和資產增值的機遇。

打破公地悲劇(Tragedy of the commons)

喺閱讀高重建嘅”區塊鏈社會學”時學識咗好多新嘅詞彙,其中一個就係”Common”嘅中文”公地”

書中提及嘅一點就係講中文語言入面係無語彙可以帶出”Common”嘅真正含意

我認為中國有一句成語可以直接將”Tragedy of the commons”嘅核心意思帶出,就係”各家自掃門前雪”

因為Tragedy of commons 嘅故事就係講公家地方係無人會理會,各個持份者只會理會自己擁有產權嘅地方,而公家位置係無人會愛惜。

任由地方凋零。

我宜家經手處理緊嘅工廈活化項目就係一個好例子。

前日我同一個喺香工入面已經13年嘅租客傾偈,佢見到我大刀闊斧咁去將地庫活化,無分店內定係公家位置都改造得有時代感,非常高興。

原來呢位租客占咗地面17間地鋪,多年來一直同各大業主周旋希望可以翻新外觀去引入新嘅元素去吸引年輕客戶群體。

但各業主都不願出錢去處理公眾場所的外觀,因為睇唔到實際翻新完之後嘅實際增加嘅得益,最終13年來一成不變。

時至今日,零售業面對困難重重的日子,直接關門大吉,吉鋪日漸增加,業主終於明白需要作出改變。

希望我呢次經手嘅地庫活化項目嘅效果可以改變其他業主嘅諗法,慢慢令到大家都一齊出錢出力出心去將其他位置續步改變,令客人有一個全新嘅消費體驗

項目翻新仍在進行中,敬請期待

#香工活化計劃

#打破公地悲劇

本文轉載自 ‘智慧社區 Wise Community’ Facebook 2020年8月31日貼文


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论