香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
從洗水石米看香港困局
正如我之前講中環警署復修嘅文章，香港古建築嘅一事一物，正正反映我哋香港風格特殊嘅存在
呢一種特殊嘅殖民地建築風格，正正就係下放權力而產生嘅結晶品，亦係透過中西方文化的互諒互讓，和平共處而產生的
或者讀者會問，鬼佬則師當時肯定惡到不得了，中國工人根本冇得揀，何來和平共處互諒互讓？邊度有下放過權力？
正正就係呢一點係深層次層面上同現在香港整體生態上邊有一個好大嘅分別
冇錯，當期時英國管治香港，最大嘅目的就係以賺錢為本，而賺錢嘅最基本因素就必須要和平穩定繁榮。
所以殖民地政府好大程度上當經營香港係經營一間私人企業咁去管理，法規嘅演繹權都係由老闆決定
我相信英國皇室成員同英國政府完全唔會介意香港落到地嘅每一個政策環節嘅細節係點？佢哋最想知道嘅就係你香港居民唔好出任何亂子，每日正常運作為英國源源不絕咁帶嚟東方嘅物產同資金
所以英國政府有好大嘅權力下放咗比地方官員(即係公司Director)去做實事，去靈活處理法律上及政策上嘅演繹。
咁你就會問，中央都有下放權力比香港政府自行運作，點解依然搞成咁樣？
呢個就要用返我哋中國一句名言 “ 上有好者 下有甚焉”
當下屬知道老闆做事情有底線嘅時候，對於一啲唔啱老細口味嘅政策，根本提都唔敢提。
但係而家公司換咗老細，呢個老細鍾意樣樣都管到底，對下屬完全唔會有信任，用政策去管治人。
3司11局就係一個最好嘅例子，搵外行人嚟管內行人，正正因為外行人唔知行內規矩，只能夠用文字同法例去決定一件事到底係咪有盡責地執行，due diligence 咁去進行監管
所以由當初我哋成日講「政策係死，人係生」，今時今日變咗「政策係死，人都死埋一份」
講講吓似乎講到好遠，同今日個主題無關。不過你錯了，其實上面風向一轉，個影響可以直達根層
就以洗水石米嘅工作去舉例
其實洗水石米係好講天氣嘅乾濕度，師傅落水手輕手重，係一門好講究嘅工藝
太少水，佢就會裂開，太多水佢又唔會凝固，仲要喺適當嘅時間用水喉放啲好緩慢嘅水將表面未乾透嘅砂漿沖走，露出石米表面
所以以前你會見到啲泥水老師傅，做完洗水石米面，就企係一邊拎支煙出嚟食。你唔好以為佢喺度偷懶，其實佢係喺度因應每日唔同嘅天氣乾濕度，去估算等幾耐先至開水喉沖走砂漿
以前鬼佬工程師先唔得閒理你個泥水師傅食咗幾耐煙，做咗幾耐。
佢最緊要就係每日慢慢嘆，你交到件靚靚完成品俾佢就講完
但係去到今時今日，監管工程嘅人員，就會用中央意志，拎住本合約同埋method statement去管住班師傅，因為佢都擔心俾”外行人”問責。
如果文字話5分鐘要沖水，佢就迫你5分鐘沖水，如果文字話五個鐘沖水，佢就迫你五個鐘沖水
一切都只有文字，沒有真理
因為佢哋會話你唔跟合約文字內容執行，日後出咗問題，就係你承建商監管不力嘅錯。作為承建商都好無奈，就算明知做落去件野會死，都只能服從文字演繹去進行工作。
就好似一個醫生對住病人家屬講：「我哋程序行啱晒，不過病人醫死咗，我哋深表遺憾」
文字獄式嘅批鬥，呢個就係現今香港點解行到今日嘅現況
本文轉載自 ‘智慧社區 Wise Community’ Facebook 2020年6月15日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…