香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
從歴史觀看產業流失嘅恐怖
而家全球貿易進入前所未有嘅冰點，各個國家嘅出口貿易幾乎全部停頓。
可以講一句，大部分做生意嘅公司基本上最叻都只係會留有半年嘅現金流去維繫一盤生意
收入停止，人工鋪租倉租水電煤保險同埋之前承諾嘅合約，每樣都係需要按時支出。
作為商家，只能夠忍痛停業，保留實力日後東山再起
但作為打工仔嘅你，有冇諗過疫情過後，當老闆重新開業嘅時候，你嘅工作崗位已經不復存在我相信對好多老闆來講，今次疫情，既係危亦係機。
一次過將公司多年來嘅瘀血員工清走。
將架床搭屋嘅公司架構簡化。
再將公司老化嘅系統改進，應用更多高科技去營運。
其實產業嘅轉移，無論係科技上還是地域上的轉變，都係一個非常可怕的一件事
記得以前讀大學，大學教授播放一套關於美國底特律汽車產業轉移的紀錄片。
畫面影住一個和藹可親的年輕女士手抱着一隻可愛的Giant Rabbit 寵物，一邊撫摸兔仔，一邊接受記者訪問。
語氣及表情平靜的女士，向記者申訴失業的痛苦，生活拮据，並且冇錢開飯
喺輕描淡寫的動作下慢慢轉身，將兔仔綁在樹上，突然手拿起棒球棍全力擊殺兔仔
全班大學同學頓時大叫，有些女同學更即時喊了出來
鏡頭影着綁在樹上的兔仔的身體一直在抽搐，年輕女士手起刀落，在鏡頭面前活生生地將兔仔的皮毛割下，手法乾淨俐落。
有些女同學受不住畫面的刺激，拿着紙巾即時衝去廁所
該女士輕描淡寫地說：「我現在唯一的收入只能夠把我的寵物皮草賣掉，再把兔仔肉拿來吃。」
鏡頭一轉，原來地上已經有其他八隻兔仔的皮毛已經被活生生割下，滿地鮮血
呢套紀錄片嘅每個畫面，深深烙印左係我嘅腦海入邊。
終生難忘。
1900年，底特律嘅人口只有30萬人，去到1930年，人口急速增長至160萬人。短短30年增長超過500%
由於當時Ford 福特車廠樂意支付高薪比黑人勞工去大量製造汽車, 所以短短30年間全國汽車相關嘅產業全部轉移到底特律
由零部件，去到油漆，去到整體汽車生產，汽車銷售及周邊生活所需嘅各行各業，可以話係百花盛放。
由於工業生產需要大量廉價勞工，而黑人一般亦樂意接受較便宜嘅人工去做，從而令到白人的工作崗位受到威脅
去到1940年代，但由於當時汽車市場需求相當大，並且有大量生產軍工業的需求。
所以人人有錢搵，大家可以相安無事共處
可惜好景不常，去到1950年代，美國汽車業出現兩個重大根本性嘅變化。
第一，來自日本的高質素廉價汽車對手 - 豐田Toyota 開始大規模入侵美國汽車市場。美國汽車的市場份額被大規模搶走
第二，汽車生產大規模機械化改進，對勞動力的要求大幅度降低
為應對市場挑戰，福特車廠開始大規模轉移生產線去到人工更便宜的墨西哥
當地大量黑人勞工失業，令到周邊治安環境變得非常惡劣，白人更加加快離開底特律
勞工市場嘅就業機會開始出現緊張，從而引致到1967年著名的Detroit Riot , 又名12街騷亂
其中，一個人口只有35,000千人叫做 Troy 的城市，失業率可以高達三萬人，只有五千人保留有就業機會。而當中大部份是政府的公務員。
三萬人生活拮据程度，嚴重到一個地步，居民主動犯罪，希望進入監獄能夠得到三餐溫飽及有睡覺的地方。所以短短幾年間政府要大規模增加監獄的興建及數量去滿足這種極端需求。
在監獄中的居民，一直期盼着離開監獄的時候工作崗位會回歸到這篇土地，但這個願望直至到今日依然落空
今次2020年世界各地的工業佈局到底會如何走向，也許可以在底特律的歷史當中尋找到若干的答案
本文轉載自 ‘智慧社區 Wise Community’ Facebook 2020年5月11日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…