香港傳奇財經評論員曹仁超先生講過: "有智慧不如趁勢" 呢個社區就覺得"趁勢發達都要有基本智慧" 虛擬貨幣，去中心化金融，區塊鏈技術都涉及相當的知識及理解。 如果無一定程度嘅理解，你就算選擇正確的投資平台或工具，都難免成為"韭菜"一族，任由鯨魚們收割。 我希望一點一滴咁為大家收集和分享每日全球科技金融的知識和新聞，每日為大家充值信念，陪伴大家做『踏浪者』去享受科技金融嘅樂趣和資產增值的機遇。
不快樂的樂園
香港政府連同海洋公園宣布爭取54億元撥款以資助海洋公園的營運
對於呢一單新聞，我邊看着電視，一邊無奈嘆息
海洋公園成立於1977年，根據”海洋公園條例”屬於非牟利機構，需要自負盈虧去營運。
當時香港兩大遊樂場荔園和海洋公園競爭在80年代至90年代非常激烈，最終由海洋公園跑出，將荔園送入集體回憶
自從對手淘汰之後，海洋公園開始不思進取，園區設施毫無新意，引致遊客數量大減。
在經歷金融風暴和香港沙士疫症之後，樂園近乎有倒閉風險
直至到2003年蘭桂坊之父盛智文的出現，將樂園當為自己事業去經營。
天馬行空，大膽創新，用創意帶動收入，而並非望住本數簿去決定做乜嘢項目。
呢一個正正就係企業家和官僚這職業經理人最大的分別
企業家係Problem Solver 同Risk Taker，唔會坐以待斃，會大膽去承擔風險去開拓全新項目，為企業注入新動力
職業經理人只會計算自己嘅收入同埋點樣去到交代股東，唔會甘願冒任何風險去革新，因為佢哋心目中改革者死。
坦白講，海洋公園本身喺地理環境和香港市場規模嘅限制之下，本身經營係一d都唔容易。
在marketing的技巧上要兼顧香港本地特色，保持國際水平，又要迎合國內遊客口味，定位着實需要非常大的智慧去平衡
國內番禺和珠海長隆的管理水平日漸追上，而且可擴展的空間非常大，每日人流收入非常之高，有充足的實力和資源去購置最好和最新的設備。
並且國內規範相對寬鬆，所以兩大園區發展非常之快。作為園區遊客的體驗是相當讚嘆的，絕對可以媲美國際一流園區的體驗
而且呢兩大園區主要服務珠三角一帶的廣東遊客為主，反而客人質素相對比起海洋公園的客戶質素仲要高。
因為香港海洋公園主要招呼全國各地外省嘅旅行團遊客，質素難免參差不齊
今次香港政府要求撥款拯救海洋公園，喺拯救嘅層面上，到底係咪只係金錢就可以解決樂園本身嘅危機呢？
要拯救嘅海洋公園係硬件本身？定係軟件？
作為納稅人，用54億元去維持本地主題樂園本身我覺得係可以接受的，反正政府錢都係用嚟浪費。但係必須要從根本上進行大改革，喺撥款條件上附加解僱並更換整個管理團隊，同時引入更有創意和年輕一代進入核心管理層進行園區大改革。
畢竟老人家係唔適合玩過山車的
後記:
我比多個idea政府啦
作為中立嘅政府，應該用積極不干預嘅態度
容許海洋公園開一個”愛國愛黨館”，同時開一個”煲底之約館”。
愛國愛黨館入面，遊客可以扮演忠誠勇毅去擊退示威者同記者
煲底之約館入面，遊客可以扮演示威者同記者追擊黑警同政客
呢個idea又有本地特色，有迎合到14億遊客嘅多方面體驗嘅口味，作為政府積極不干預，除咗貫徹落實一國兩制之外，仲滿足埋國際標準
一雞三味，今次肯定超英趕美
本文轉載自 ‘智慧社區 Wise Community’ Facebook 2020年5月12日貼文
喜欢我的文章吗？
别忘了给点支持与赞赏，让我知道创作的路上有你陪伴。
发布评论…