電影 - The Banshees of Inisherin - 伊尼舍林的女妖

其實有好多角度可以解讀一下呢個故事，其中一個角度係當人面對習慣嘅事物改變嘅時候，究竟係用一個咩態度去面對？另一個比較實在嘅角度，喺你嘅社交圈子入邊有冇試過有個朋友突然間離你而去？再俾多個角度，就係有冇覺得你一直都冇變過，但係你身邊嘅人都開始變，令到你唔知點樣應付？

個故仔好似有啲激烈，有啲不明所以，但係實在咁諗，又好似係活得喺呢個世界夠耐你就會遇到嘅事。

改編自金像獎導演比較早之前嘅話劇作品，佢寫嘅愛爾蘭外島三部曲，電影改編其中一部，時代背景係一百年前愛爾蘭內戰，一個兄弟相殘嘅時代。

畫面、配樂、演員都非常上乘，睇完應該會好多嘢諗。

好電影，極推薦。

IMG_3894.heic