電影 - 窄路微塵

係有少少似《The Florida Project 歡迎光臨夢幻樂園》，只係加多個男主角，就係嗰個救佢出火坑嘅傻佬，相信每個人都希望生命中遇過呢啲咁嘅傻佬，無條件幫你，甚至乎你害完佢都仲係幫你，幾好呀。係有啲超現實嘅，都幾童話嘅，不過可能被蹂躪左三年，少少糖少少甜，應該都受得起掛。

成個拍攝嘅流暢度係要加分，不過對於呢種open ending嘅結局稍為覺得欠少少嘢，或者最後嗰場煞科戲多番少少高潮位會更好。

不過咁，總括嚟講都係推薦，因為張繼聰真係做得幾好。