TC's Choice
TC's Choice

荒木經惟説用寫真抵擋孤獨,用快門紀錄愛。我説用文字抵擋寂寞,用相片紀錄眼界。 FB: @tcpangraphy IG: @tcpangraphy

美劇 - The Dropout

一滴血可以做到幾多嘢呢?若果只係驗一滴血就知道你嘅身體狀況,有咩病、有咩潛伏風險,及早預防治療,你估有幾好呢。



Elizabeth Holms,堪稱女版Steve Jobs,創立一間血液檢測公司,聲稱一滴血可以做到七十幾種測試,驗到癌症、愛滋病、受孕風險等,但後來卻發現係個大騙局,而呢個騙局騙過大機構投資者、政界人物、風險基金,權力,方便,而佢嘅伎倆幾乎就係佢嘅個人魅力。


究竟由一個資優生點樣一步步攀上最高峰然後又跌返落嚟呢?而呢件事其實仲未完,到今天縱使被揭發當中嘅騙局,審訊仍然未完結,後續嘅故事亦都很精彩,作為一個引子了解件事哩套劇集絕對啱睇,當然有筆者甚喜歡嘅女演員Amanda Seyfried演出,尤其加分,不過唯一吐糟嘅係,當你睇過Elizabeth真人所做嘅訪問,你會稍嫌Amanda做得個人物較為脆弱。


撇除急功近利、鋌而走險,最後落得爆破下場,當你睇完套戲,再上網搵相關嘅新聞報道,又或者係主人翁原裝演說,你不得不佩服呢個女人佢嘅能力,究竟點樣可以迷倒咁多嘅投資者,真係非常之唔簡單。


所以話都唔需要咁辛苦去作故仔,現實生活順手拈來已經係一個個嚇死你嘅故事。


好看,推薦。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论