電影 - 男人之苦 - 寅次郎返嚟啦! - 男はつらいよ - お帰り 寅さん

當桑田佳祐唱出主題曲嘅時候，咩回憶都返晒嚟。

記得細個睇《男人四十戇居居》(港譯名，即男人之苦)，好羨慕寅次郞可以到處走，擁有不凡嘅經歷，結識不同嘅美女。猶記得最後幾集佢嘅外甥大個咗，開始談戀愛，哩位舅父充作軍師，為哩個懦弱又冇用嘅外甥出謀獻策，當然最重要係佢哩位初戀女友就係國民美少女後藤久美子啦，估唔到隔咗廿幾年再次能夠看到後藤美麗嘅身影。

不經不覺飾演寅次郎嘅渥美清先生已經離開人世廿幾年，還以為寅次郎嘅故仔已經沒有後續，估不到男人之苦50週年山田洋次導演再次帶來一個後續故事，亦係一個回憶嘅延續，不過電影有一半以上都係舊片段，所以唔係粉絲嘅可能會睇得一頭霧水。

唔知道仲有幾多次機會睇山田導演嘅電影，對我來說係睇一次、珍惜一次。

再見了美好歲月。