電影 - 叛譯同謀 - Les Traducteurs

財迷心竅。

起初覺得個設定好戇居，翻譯一本書需要咁大陣仗嗎？不過亦都因為這個設定令人想知道究竟點解出事？

設定好簡單，就係密室困住九個翻譯，翻譯三部曲大結局，但係唔知點解原作被洩漏兼且勒索出版商，究竟邊個做？點樣洩漏？同埋為咗咩？

齣戲最過癮嘅係睇完半場你以為你知，但去到結局你先知其實你仲未知。

撇除推理其實電影都講了好多令人悲哀的事，其中一個就係有個翻譯想突破原有生活方式，但發覺要改變其實冇想像中易，應該放棄還是繼續呢，佢選擇咗⋯⋯

值得睇，推薦。