日劇 - 天國與地獄～瘋狂的2人～ - 天国と地獄〜サイコな2人〜

編劇森下佳子加綾瀨遙再加高橋一生，淨係哩個陣容已經要開波睇。首集除咗角色擺位外，更加開咗哩齣日劇嘅大局，令人驚奇嘅第一集，就知道哩齣日劇非常不簡單。

追凶故事底加個twist，睇到第六集謎團越加越多，你以為估到其實仲未估到，不過淨係睇佢哋兩個嘅演技簡直係嘆為觀止，綾瀨遙勁，高橋一生更勁，本來都好喜歡佢，睇完哩套劇我簡直係膜拜佢，呢個人嘅演技簡直係出神入化。

誠意推薦。