評鄭丰《巫王志》

鄭丰文筆精練，佢嘅收筆之作《巫王志》（全五冊），寫一個發生喺商中後期嘅玄幻歷險故事。當時巫術盛行，傳說中西門豹遇到嘅「河伯娶妻」[1]，喺當時係日常，如習慣於「华夏文宣文化」，睇完《巫》應會腦洞大開。

睇得出鄭丰寫《巫》前，做咗大量研究，商人嘅對話，儘量用返佢哋嘅文法，例如嗰啲多乜多物，就好似英文眾數加「s」，又例如稱呼，「婦好」「婦鼠」係唔係好似Mrs. 好、Mrs. 鼠？但仍感不足嘅係，描繪當時由蠻荒向啟蒙轉變嘅氛圍，寫得唔夠盡，未及 黃易《尋秦記》嘅開頭（電視劇拍唔到，出唔到街）。

唔知點解，網上隨處可見《巫》卷一二三嘅電子書，大家如有興趣，可先下載試閱。

題外話：對比起作為商人奴隸人牲嘅古羌人，發覺中国真係一個有人權嘅国家，就算做奴隸都至少有衫著。

1. 晚商、帝辛時期已開始放棄人牲人殉，反而西周初期仍維持呢個習俗，文獻中就有孔子鬧人用人偶（大概意思，睇完無特別住）。