字裡.人間

Love reading. Love books. Love life. Books change life. 愛讀,愛書,愛生活。讓書籍改變生命。

移英前479天:點解你唔走?

你走我又走?點解你唔走?

距離預定出發日尚有479天。

自我對同事們說:「同住的家人今年年底會移英,只剩下我一人在港。」大家都很關心我,並口徑一致地問:「點解你唔一齊走呀?」

係囉!點解我唔一齊走呀?

唯一理由就係錢!為免人地生疏,到時去到果邊搵唔到工,要做一段時間糧地,唯有依家響度穩穩定定,儲多個錢啦!

每次諗到移民都好矛盾。個心好想走,又好期待未來有個新開始;個心好唔想走,因為怕自己適應唔到。昔日嘅跨文化體驗已經令我覺得自己未必適合海外生活,依家因為屋企人走我就走?呢條真係我要行嘅路?

但係當我諗到留響香港更加冇運行,點努力都維持唔到基本需要,退休更加係冇保障嘅時候,我就唯有鼓起勇氣放手一搏喇!

當然!咁大件事一定要問上帝!但佢以一貫嘅沉默回應。不過同佢相處左咁耐,都大概知道佢嘅做事方式。總之行到咁上下,佢覺得唔岩佢心意,佢就會用盡一切方法攔阻我架喇。所以我只需要做我可以做嘅野,其他就等佢做最後決定啦。

約翰遜落台都令我有D擔心。始終政策隨時變,香港又好,外國又好。我連聽日會點都唔知,又點估到479日之後我出唔出到發呢?

與其為將來煩,不如煩下眼前嘅野,例如今晚食唔食宵夜好呢?睇唔睇多陣電視?

活在當下先幸福架嘛!

Like my work??
Don't forget to support or like, so I know you are with me..

CC BY-NC-ND 2.0

Want to read more ?

Login with one click and join the most diverse creator community.