蕭德良

座右銘 : 以禪悟道 常用語句 : 大佬, internet 10秒搵到既嘢就唔好問我啦~ 唔好同我講百分之0.000001機會嘅嘢即係有機會 就算我講完全肯定嘅嘢都只係百分之99.999999

電影:親親兩顆心 / The Parent Trap

Published at

不嬲都冇寫開自已感覺嘅嘢,不過係時侯轉一轉,試下唔同嘢,睇真下自已係乜嘢人,又或者有緣等其他人評下我係乜嘢人~

睇電影其實有時好煩,睇咗D膠劇真係覺得浪費我時間,但唔睇又唔知係膠劇定神片,所以好多時都重睇覺得好睇嘅電影,尤其係喜劇,可以笑完又笑,反正好過睇膠劇啦!而其中重睇得最多之一嘅係呢套親親兩顆心。

故事唔講啦,反正1998年片,大把網有講,吸引我嘅當然係主角既生鬼活潑啦,仲有就係兩位女主角嘅互動,哈,拍到真係令我以為係兩個人,翻查先知係一人分飾兩角,及另外有一位冇出樣嘅小女孩配搭而成,呢D先係電影呀麻!除咗小主角嘅演譯之外,就係英美兩地嘅實地環境拍攝,呢部份我想好多華人都會渴求,希望得到既生活環境,當中都包括我在內啦,所以零舍吸引~ 而故事開始係美國嘅夏令營,兩位主角由碰上,鬥氣,相識,到相認,都拍得好自然,就算你明知佢哋會相認,當中過程都會令我有少許感動,唔係乜嘢大場面,但都冇乜冷場。第二部份當然就係小主角分別同父母之間嘅相縫,英美兩地嘅生活方式習慣(當然係有錢人生活啦!),小主角同父母嘅趣事,而兩場同親人相認嘅場面都拍得好感人,尤其女管家知道主角係另外一人,記返起當年嘅佢,係真真正正嘅佢,而唔係替代人,呢場我睇得最多次,呢部份都算得上係不錯嘅小品。最後第三部份,為咗成就父母可以重新係一齊,就設計咗一個衰人後母,其實呢個角式都幾慘,又要整到自已好衰好貪錢,到最後俾人飛乜都冇晒,係本片最慘嗰個,雖然小主角有份整走佢,不過好彩故事都係講個老豆有心搵返前妻而飛佢,咁小主角就不會令人討厭,非常好嘅鋪排,衰嘢留返俾大人做啦!最後講吓音樂啦,幾好聽架,值得搵soundtrack 黎聽!




Enjoy my work?
Don't forget to support and like, so I can know your companionship.

看不過癮?

一鍵登入,即可加入全球最優質中文創作社區