分裂國家？

最近聽到一個罪名叫"分裂國家", 究竟係幾唔識中文, 幾低能, 先會諗到分裂國家呢個詞? 中文黎講, "國家"係完完全全兩樣嘢, 一樣係"國", 一樣係"家", 只係多數使用時會同時指兩樣嘢, 所以先用"國家", 例如為國家捐軀，其實意思係為"國"為"家"捐軀，咁咪OK囉，保護國家，意思係保護"國"同保護"家"，咁咪冇問題囉。

"國家"係一樣嘢，根本就唔係中文，只有用外語思維，先將國家轉成英文， 如 country, nation 之類, 咁先會理解成係一樣野，理解成一個名詞（即係等於”的士”一樣），其實根本 country, nation 只可能譯成"國", 而唔可以譯成"家", 而"家"英文係 Home或 Family。要用中文立法, 點可能寫得出分裂兩樣唔同嘅嘢會係一個罪行???????

中文入面, 簡簡單單"叛國", 已經清楚顯示意思, 現代人中文程度真係會令人覺得現代人究竟識唔識中文!