Sheeta
Sheeta

在倫敦、北京、新加坡生活過的港女一名 更多雜想在 facbook @ sheetaonthejourney, twitter @sheetancities 我愛人間樂土,但願與風和唱,鳥語花香,春回大地,桃源美景,普天同慶,就算有千噸大砲,萬匹火力,就算有更發達的科技也好,可愛的大地,永遠都是人類的家鄉。

英式佛系抗疫

英國抗疫政策震驚十三億人,我都陸陸續續收到朋香港朋友短訊,問我夠唔夠口罩。

其實除了上月從香港返倫敦當日外,我一直都無戴口罩,並且儘量在家工作。早二月中旬還坐過一兩次地鐵,後到兩周前基本上只踩單車出入。英國大部份地方人口密度低,只要小心留意,要保持一兩米距離是做得到的。

間中我都回過頭來質疑自己,是否太受香港及東亞文化影響,有點過份緊張?不過最終還是覺得面對一個充滿未知之數的病毒,既無藥醫亦無法預防,還是信賴有過沙士抗疫經驗的專家較好。例如袁國勇教授的最新訪問,以及梁卓偉教授的研究等。(雖然我並未跟從何柏良醫生的呼籲撤離,因為比起在倫敦受感染,我更擔心在機上染毒後帶回家。)

亞洲各國早就腥風血風雨多時,歐美白人一直食花生,至上周意大利鎖國,才如夢初醒。英國人最不喜歡「煞有介事」,叫人別聚集落PUB睇波可能仲難過叫人戴口罩,大部份人似乎及未明白,所有防疫措施都不單單為保護自己而做,更多是為了保護社區內抵抗力較差的長者和長期病患者。連勤洗手亦算”make a scene”,以我所見並不是人人都會跟(其實當年香港人都白眼董太,真是五十步笑百步)。

終於還董太一個清白,佢只係太有先見之明,比一般人早咗17年

英國人佔倫敦人口少於六成,來自五湖四海的民間今個星期於終於開始自救。能在家工作的行業如金融、科技鼓勵員工留在家中,雖然政府不停止大型公眾活動,但不少聚會如meetup、音樂會、跑步group已經暫停,亦見部份店舖貼出告示,抗疫時間只收咭不收現金云云。朋友見面本來又HUG又錫面,不少人已改由碰手掙代替(其實也算”make a scene”的一種,我猜只有倫敦人使用),也是好的開始。

當然,受我活動範圍和本地人際網絡所限,觀察對象只能局限於北倫敦一帶以及公司同事。Keep Calm and Carry On 文化真是雙面刃,還有不少人早兩日還跟我說”It’s just a flu”,無語,今日又有人話「其實好多人都好擔心、好驚,你唔好再嚇佢哋 」,媽呀我好亂。

大家在家沒事做,都苦中作樂,「觀賞」各國抗疫日常。例如意大利人將超市一掃而空,卻只有長通粉無人吼。意大利同事解釋:「因為長通粉真係好難食,又撈唔到啲汁,仲好跣好難夾!」ok似乎是意大利常識;西班牙昨日進入緊急狀態,只有個別「受保護行業」可以營業,包括超市、藥房、洗衣店同….髮型屋。可見西班牙人對髮型何其重視。

至於英國,跟香港一樣也是搶廁紙(到底點解係廁紙?香港話怕大陸唔開工無供應我都仲可以理解,英國關咩事呢?),還有啤酒、意粉和各種藥物,不過有北愛爾蘭的朋友表示,當地率先沽清的是….茄汁焗豆🤦🏻‍♀️。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论