Shall We Talk? 陪你講
Shall We Talk? 陪你講

一隻雞得兩隻脾

已經好耐好耐無食過阿媽既「住家飯」。

有人話,呢個世界上每個人定義既美味,其實就係「媽媽味」。係一種熟悉既、曾經被好好照料既、美好既味道。即是都係蒸肉餅但硬係屋企個個version最好味。

「上次一家人一齊食飯,你嫂同埋弟婦都喺度,我一人夾左一隻雞脾俾佢地,我突然發現一隻雞得兩隻脾,我心諗,有冇攪錯,我個囡無雞脾食!呢件事我記左成年,次次食雞都諗起自己無夾雞脾俾我個囡食。」

已經唔記得幾耐無見過阿媽。阿媽好似突然老左,眼角多左好多皺紋,突然覺得呢隻雞脾好有份量。突然眼濕濕。突然發現阿媽真係好愛好愛我。阿媽話,新抱唔係自己個囡,所以要特別表示對佢地好。

「媽,如果你將來有女婿呢?你點算?兩隻雞脾點樣分?」

「我仍然會分俾你嫂同埋弟婦。」

「點解呢?」

「因為女人小器。」

一陣爆笑,果然最了解女人既,始終都係女人。

雖然我平時唔食雞脾,但係我都記得個次,阿媽無夾雞脾俾我,証明女人真係好小器!

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论