鎖倉Likecoin賺利息，上面的利息從何而來？

LikeCoin Migrate左去自己既主鏈之後，相信好多朋友都會Stake返少少賺下「利息」，而家既「利率」大概係4.40%，同一開始超過7%相比差唔多跌左一半，相信係因為越黎越多人Stake Likecoin所致。我自己都大概Stake左4,000粒多啲，相信有啲LikeCoin大戶收利息都唔只呢個數。

至於點解有息？其實呢一點同Bitcoin既Mining差唔多，係Distribute新產生既代幣既方法（啫係通脹）。LikeCoin行既係PoS（Proof of Stake），同Bitcoin既PoW（Proof of Work）需要消耗大量電力好唔同，會奬勵持幣者同有貢獻既節點，亦較環保。

LikeCoin既通脹率只有1%，算係相當溫和，唔至於令人大幅抛售挫低價格，只要大部分用家仲對LikeCoin有信心、社群Keep住增長就無乜問題，值得一提既係香港2018年既平均通脹率都去到2.6%，所以相對港元，LikeCoin既價值唔會因為呢1%通脹而貶值，只要Keep住有Demand，反而有保值或升值既可能，小編玩緊既STEEM每年通脹就超過6%。至於點解你Stake LikeCoin有超過4% 既通脹率？相信係因為唔係所有LikeCoin都會被Stake，有啲係讚賞公民基金會 & 其他較唔活躍既用戶手上。

每年通脹既LikeCoin入面有2%會入左社群基金，而剩低既有50%既利息將會落係驗證人（啫係重要節點）手上，作為佢哋驗證&確認鏈上交易既奬勵。

目前既驗證人：

立場新聞（香港）

Matters（香港）

Forbole（香港）

國立台北科技大學（台北）

文化及媒體教育基金（香港）+ Enyk（香港）

台灣事實核查中心（台北）

GLOs（香港）+ Udomain（香港）

相信大家都會對Matters & 立場新聞比較熟悉，其他既組織講真我都唔係太識，而立場新聞係最近香港既政治氣氛下都多左好多人關注，作為LikeCoin既主要驗證人節點，相信都可以令更多香港人認識到去中心化既必要性，亦可能帶到一批新用戶俾LikeCoin，後續發展值得期待。