抗疫點滴，亂譯尼采（一）

疫情持續，在家中百無聊賴，突然覺得可以從日常生活點滴中的體會，和尼采的名言警句作個配對，並用上廣東話，給自己的人生作個記錄，也嘗試為無盡的抗疫日子帶來一絲絲希望。

〈暴徒的真正目的〉（2020/08/11）

看見身邊發生的事情，人總禁不住心裡的起伏。在這個時候，我會選擇讀書，向智者學習一點智慧。我喜歡尼采，他超越世俗的框架，讓人重新去認識自己。

今天，我選了一段《人性的，太人性的》。原來，他也嘗試過分析「暴徒」，我又嘗試以我的母語廣東話去演繹他的想法。

〈暴徒嘅真正目的〉

暴徒唔會天生就有暴力傾向，所以去傷害其他人，亦唔係要去教訓人，甚至折磨人。

人之所以會出手傷人，係因為想知道自己究竟有幾勁，同幾有影響力。有時都會攻擊其他人去証明自己比人哋更正常。

人會咁做，國家更唔例外。

咁，邊個會係尼采定義嘅暴徒呢？

〈人生最重要的事，就是找到自己的專長〉（2020/08/12）

今日和朋友吹水，談及天生我材必有用，每個人總會有強項弱項。我相信，有朋友互相補足，人就自然變得更強了。

再分享尼采《人性的，太人性的》段落：

〈做人最重要係，搵到自己嘅強項〉

每個人都有一技之長，而家係獨門秘技。

有啲人好早就知道自己嘅強項，仲化成生活部分，揚名天下；有啲人就成世人都唔知自己做緊乜。

有啲人靠自己，就可以搵到自己強項；有啲人觀察力強，跟大圍盲摸摸搵到自己嘅秘技。

總之，只要你抵抗力強，打極都唔死，屢敗屢戰嘅話，總有一日你會有一招半式秘技。

〈能讓自己安心的地方，就是安居之所〉（2020/08/13）

近日，和身邊的好朋友通電話，互相問候各自的狀況。很多朋友都跟我說，他們想移民，也覺得我應該要認真考慮一下。

坦白說，現在的局勢，確實讓人感到呼吸困難，心事重重。不過，就這樣舉家移民，又是否真的可以頓然變得開懷豁達，從此一帆風順呢？

這個時候，我又再番開我的《The Book of Answers》，尼采老師是這樣跟我說：

〈能令自己心安嘅地方，就係安居嘅地方〉

你會唔會去旅行去好多國家，去搵啱自己嘅地方呢？你會唔會走遍天涯海角，去搵一個令自己安身立命嘅地方呢？

其實，我哋唔使搞咁多嘢，只要係能夠令自己心安理得嘅地方，自然就係最好嘅地方。無論你喺旺角，定係去到大澳，只要感到心入面有一鼓暖流爆出嚟，輕鬆自在，呢個就係能夠令自己心安嘅地方。