馬思高
馬思高

https://petermasklo.observer

【研究外趣事】睇地圖都可以好有趣

話說早排同朋友研究一張明信片上嘅香港相片,到底係幾時影嘅。

就係呢張明信片,大約係由訊號山向北影。

雖則我同朋友都同意(亦幾肯定)係20世紀初影嘅,但對於實際幾時就有唔同睇法。最後我哋都係要靠搵舊相同舊地圖先有解。

對於歷史研究嘅人嚟講,研究地圖係一個重要嘅手段,地圖(由其係特定用途地圖,例如規劃圖、軍事地圖等)可以展現一個特定研究區域嘅環境、社會與文化特徵,將唔同時間點嘅地圖之間嘅差異作比較,就可以分析到喺區域改變嘅可能性;即使用同一時期點嘅地圖,去比較唔同區域,亦都可以了解到各個區域嘅環境特性,以及區域之間嘅發展(改變)差異。即使歷史以外嘅領域,地圖研究都係其中一個重要嘅輔助手段,例如政策研究、城市規劃等。

Hong Kong Historic Maps 上所保存,1908年九龍半島嘅地圖,以及九廣鐵路英段嘅路線及車站位置規劃圖

或者講地圖研究好似太學術、太悶,不過凡事都有例外嘅。YouTube 上有個名為「MAP MEN」嘅短片系列,由兩個英國人 —— 準確嚟講係兩個研究地理嘅英國喜劇演員(?!)所製作,每條片都只係短短幾分鐘,用有趣又搞笑嘅方式,講歷史上出現過嘅好笑又奇怪嘅地圖。有啲真係唔講唔知。

其中一集嘅「MAP MEN」,講有關Trap Map(地圖陷阱),話俾你聽,就算地圖都會故意出錯。
另一集,講印度同巴基斯坦之間曾經出現過嘅「飛地」問題。就咁睇已經眼花,實際生活係呢類飛地會有幾多問題,真係可想而之。

當地圖都可能有錯,或者睇落「亂過七國」,發掘下你手上嘅地圖(我諗對一般人嚟講,都不外乎 Google Map 或者 Apple Map 吧),或者都會搵到同你日常生活有關,但又「令舍不同」嘅地方。


Hong Kong Historic Maps:http://www.hkmaps.hk/

MAP MEN:


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论