馬思高

https://petermasklo.uk/ 現正連載: 《盟軍中的德國佬 Gerhard Neumann》二戰歷史創作系列 《思影》原創照片系列 主要以香港粵文創作,間中出現書面中文(好似係…) https://www.facebook.com/petermasklo

唔去搵、唔使諗 - 《跌嘢唔好搵》 | 三碗細牛腩麵點播

發布於
【本文以香港粵文創作】我發現,近排喺我嘅生活入面,成日聽到《試當真》嘅呢首歌。好啦,距離發表相隔差唔多 5 個月,終於等到豪哥同許賢——呀,sorry,應該叫佢哋 MC $oho & KidNey——推出 MV 兼完整版。Finally!

【本文以香港粵文創作】

我發現,近排喺我嘅生活入面,成日聽到《試當真》嘅呢首歌。

同朋友聚會,唔想咁「寡」而播背景音樂,就會有呢首歌;返工、放工,搭 Uber、的士,遇上比較後生嘅司機,佢嘅車載 playlist,多數都有呢首歌;甚至乎,去一啲以後生一輩為服務對象嘅食肆、商鋪,一樣聽到。

而最好笑嘅係:明明成日聽到,感覺上首歌好似好長咁,但其實初初發佈嘅,只有兩分鐘唔夠。

好啦,距離發表相隔差唔多 5 個月,終於等到豪哥許賢——呀,sorry,應該叫佢哋 MC $oho & KidNey——推出 MV 兼完整版。Finally!

相比短版,完整版重新 arrange 過,增長嘅部分就係豪哥許賢一貫嘅風格:似有還無嘅唱功、亦真亦假嘅 rap。當聽得夠耐,隱約會覺得自己係聽緊當年嘅軟硬天師,一樣咁無厘頭,但同樣地都係天造之才,真正「無得輸」。

至於到底首歌係講咩?歌詞已經直接答你:其實冇乜意思㗎~~聽得輕鬆就夠啦!

MV 最尾播咗一兩秒同 ToNick 鼓手晨曦合作嘅 live metal 版,我有朋友去過聽現場,用翻佢嘅形容,「high 到爆」!

「係喎」,你可能會問,「你係唔係唔記得寫歌名呀」。Well……跌咗嘅歌名,我哋不如試下唔好搵。okay?

P.S.:同為 MC $oho & KidNey 嘅作品,復古電音風嘅《係咁先啦》又係必聽之作。點解我唔寫《係》?「下次啦吓」,「有下次嘅話」。

《跌嘢唔好搵》MV
《跌嘢唔好搵》 - MC $oHo & KidNey
作詞:梁焯霖 Casper Snooker、MC $oHo
作曲:鄧東成 EASTCITY
編曲:鄧東成 EASTCITY

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

跌咗嘢 試吓唔好揾
跌咗嘢 試吓唔好忟
係咁揾 搞到個人好忟憎
唔好揾 不妨試吓等一等

跌咗嘢落地 唔好咁心急
跌咗嘢落地 唔好咁固執
你愈急 佢愈會繼續消失
唔好急 坐低 做個深呼吸

跌咗嘢 就係咁那出奇
唔揾佢 就會走返出嚟
做人實在唔使 太心急
跌咗嘢落地 不如試吓唔好執

跌吓跌吓 啲嘢唔見晒
唔通呢度個地下 有結界?
定係我玩緊 俄羅斯方塊?
搵到我好忟 忟到想大嗌

冇嘢可以逃避 地心吸力
除非你識街霸招 直直bird極
比起百慕達 啲 飛 機
跌咗少少嘢 只係好兒戲

落としたものを探さないで(跌嘢唔好搵)
落としても怒らないで(跌嘢唔好炆)
落としても急がないで(跌嘢唔好急)
落としたものを拾わないで(跌嘢唔好執)

有冇聽過 物理學嘅雙縫實驗?
實情係 愛因斯坦都搞佢唔掂
首歌諗唔到點填
要寫埋量子糾纏?
簡單啲講 其實呢個實驗
証實咗 原來你有冇擰轉塊面
實驗結果 真係會唔同咁呈現
 
跌嘢唔好揾 跌嘢唔好忟 跌嘢唔好急 跌嘢唔好執
跌嘢唔好揾 跌嘢唔好忟 跌嘢唔好急 跌嘢唔好執

想永遠唔跌嘢 邊有咁好彩
不如將 自己嘅 心情改一改
配件 零件 定現錢
目標 理想 定 Your Dream
搏命去搵 只會停喺起點
食緊薯片 就唔好問幾點
或者等多 三五七年
失驚無神 佢又會自己出現

呢首歌 其實冇乜意思
純粹想你聽完可以放鬆啲

Outro:(冇乜意思亂唱)(放鬆亂唱)
《跌嘢唔好搵》 live metal 版
《跌嘢唔好搵》live metal 版 - MC $oHo & KidNey、MC SH(晨曦)

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

跌咗嘢 試吓唔好搵
跌咗嘢 試吓唔好忟
係咁揾 搞到個人好忟憎
唔好揾 不妨試吓等一等

跌咗嘢落地 唔好咁心急
跌咗嘢落地 唔好咁固執
你愈急 佢愈會繼續消失
唔好急 坐低 做個深呼吸

跌咗嘢 就係咁撚出奇
唔揾佢 就會走返出嚟
做人實在唔使 太心急
跌咗嘢落地 不如試吓唔好執

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

點解香港條街 每日都噉鬼多人?
搞到我日日 都撠到跌親
你話你唔小心 我覺得你根本係特登
搞到我無晒尊嚴 仲跌埋嗰自尊心

跌嘅嘢太多 已經數唔清楚
公義同良知 仲有心中嗰團火
去到足球場 但係唔記得帶波
不如諗清楚 你究竟需要甚麼?

個世界行左咁多年 其實從來無變
疾病同戰爭嘅新聞已經唔再新鮮
每日返工放工 掛住揾錢 人都癲
原來我已經忘記 幸福就係身邊

邊到跌低 唔一定要企番起身
所以跌咗嘢 都唔一定要揾
做好自己 好事就自然會發生
行自己條路啦 香港人

因果有報應 公道自在人心

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執

跌咗嘢 試吓唔好揾
跌咗嘢 試吓唔好炆
跌咗嘢 試吓唔好急
跌咗嘢 試吓唔好執
試映劇場《跌嘢唔好搵》|試當真
🌟 馬特市社區徵稿活動《簽?不簽?》現正展開
📓 二戰歷史創作系列
《盟軍中的德國佬 Gerhard Neumann》連載中
👏  請「拍手」支持,支持我繼續創作
🌟  精選文章列表
👍  加入我的 LikeCoin 讚賞公民,即可實質贊助我繼續歷史研究與創作

喜歡我的文章嗎?
別忘了給點支持與讚賞,讓我知道創作的路上有你陪伴。

CC BY-NC-ND 2.0 版權聲明

渺茫的希望 - 《她整晚在寫信》 | 三碗細牛腩麵點播

那年盛夏的記錄 - 《野木蘭》 | 三碗細牛腩麵點播

致逝去的美好時代 - 《忘記和記》 | 三碗細牛腩麵點播

3

看不過癮?

一鍵登入,即可加入全球最優質中文創作社區