橡樹流派財富自由大法 M Ho
橡樹流派財富自由大法 M Ho

對沖基金出身,現靠股票維生。 此page分享個人經驗,機構大鱷睇法,投資短炒都講。心法招式,由淺入深,適合小學數學英文程度,建立屬於你嘅投資哲學和投資系統,達致財務獨立和自由。 https://linktr.ee/oakhouseresearch

簡單一個問題: 點解 英鎊 跌 ?

呢幾日聽到 IMF 勸告英國政府謹慎考慮減稅補貼政策 英倫銀行入市買債穩定債市 救班 pension fund 總之就係 市場不信任 英國國債 gilt價又跌 英鎊又跌。這個 post寫返英鎊早前 “點解跌”。

簡單一個問題: 點解 英鎊 跌 ?

呢幾日聽到 IMF 勸告英國政府謹慎考慮減稅補貼政策 英倫銀行入市買債穩定債市 救班 pension fund 總之就係 市場不信任 英國國債 gilt價又跌 英鎊又跌。這個 post寫返英鎊早前 “點解跌”。

首先睇睇 關浩霆 Kwasi Kwarteng 的財政方案 package: 主要就係減稅,估計佔 1.5% gdp,自 1972年以嚟最高,然後就係 撤銷金融市場管制 deregulation (可以出多啲b仔,金融ibanker 又可以肚滿腸肥) 減弱工會力量,提供良好商業環境等等。

淨係講最主要的 “減稅”:

19% 公司企業稅 維持不變,成個 G20 入面最低稅率

25萬英鎊 以上嘅物業買賣先開始收印花稅 stamp duty,之前是 12.5萬鎊

上屆政府建議的 1.25%國民保險增加會取消

19% 基本入息税,早前是 20%

最高級別入息稅從 45% 減到 40%

2026-27 減去總共大約 £45bn 450億英磅 的稅收

政治方面

減稅主要得益者係有錢人和公司企業,窮人只不過係由 20% 減至 19%,“慳得百幾磅”,就咁表面睇,普通人當然憤怒。

講到錢,經濟方面

減稅刺激經濟活動,刺激商人投資,唔係應該好事咩,點解講到會閪冧咁 ?

首先減稅是減去了政府的收入,少咗啲收入去邊度搵錢補返? 增發更多英國國債 gilt 借多啲錢。供應增加,債券價格當然下跌。

補貼,減稅係 “寬鬆財政政策”,理論上當然會加深英國通脹。現在減 “有錢佬” 的稅收,他們又會不會將慳到的錢,省到的金錢,多餘出來的金錢拿去消費享樂,救救地方經濟? 定係將大部分餘錢攞去炒股票炒地產投資,無大幫助刺激消費生產力經濟活動?

市場交易者對 卓慧思政府嘅新政策 沒有足夠的信任,不相信減稅補貼政策可以 “有效相對” 增長英國經濟 real growth,相反地,通脹肯定反而加深,同時間 BOE 亦都不敢大幅加息去遏止通脹,不敢用 “緊縮貨幣政策” 充分抵消 “寬鬆財政政策” 的通脹影響,害怕加息會 “打死” 經濟活動。

再加上 “脫歐”,歐洲金融經濟活動留返喺歐洲,不再經英國倫敦金融服務轉手,經濟前景不明朗。通脹加劇,但是相對加息幅度缺乏信心,還要發債借錢補貼減稅,結果就係 英鎊 gilt價格 近日急跌。

其實睇到最後,都係講緊市場 “信心”,真金白銀落場交易的交易者 “相唔相信”。如果關浩霆 的政策夠說服力,充足個人魅力,令人相信英國會有增長, “市場”反應良好,就係大人英明,鐵娘子戴卓爾夫人再世。

對比早前的 £150B 英鎊能源補貼計劃,預期會減少的國民保險和企業稅收,這次的 “mini budget” 其實規模一般,但為何這次市場反應咁大? 原因係 額外的,突如其來的 減稅項目,個市係畀 關生 “離地” “漫不經心” 的態度所驚,對英國新財相之後的財政政策有 “無限的幻想空間”,怕佢又會失驚無神減稅,繼續寬鬆財經政策,不理後果。

而家市場反應不好唔俾面,自然從價格下跌這個結果,推斷返個原因,搵返歷史教科書等等案例出嚟。

講多次,本流派不玩 fx,純粹講下 “過去” “現在”,FT Economist 高質文 ,畀大家過癮過癮。

複製貼上:

我沒有 “做國師” 的使命感 沒有 Henry Kissinger 上身,唔係話 卓慧思關浩霆 做得唔好,應該點做點做。不在其位,純粹解釋現在情況,你問我中2病憂國憂民發作 應該點樣做?

咁睇返點解成個歐洲全地球能源價格上升,通脹爆炸? BOE 官方都認為係 “俄羅斯烏克蘭” 引發,最好聯合世界西方,攻入俄羅斯,吊起 普京,世界和平,長痛不如短痛。你睇到我都係講下發夢咋 ~

查理三世可能係 英格蘭第一個國王睇到 英鎊和美金 1:1,或者英磅和歐羅 1:1,當然可以兩樣一齊嚟料~

上次不幸言中,英鎊向下跌,小弟無謂在傷口灑鹽,出來 “老夫又中”。

最後你問我真係主觀感覺英鎊如何? 睇咗幾日新聞消息,英鎊兌美金應該會直情跌穿 1:1,真係 “小弟” 個人感覺估計。

Rikas//


CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论