對沖基金出身，現靠股票維生。此page分享個人經驗，機構大鱷睇法，投資短炒都講。心法招式，由淺入深，適合小學數學英文程度，建立屬於你嘅投資哲學和投資系統，達致財務獨立和自由。 https://linktr.ee/oakhouseresearch

香港銀行體系結餘 9月就會跌穿 $1000億港元嚇死寶寶? 其實有什麼問題好驚? 下集

2022 年 10 月 15 日

港 2008年之前，銀行體系結餘其實長期得數十億元水平

香港 2008年之前，銀行體系結餘其實長期得數十億元水平，2003年試過得返數億港元。2019 - 2020 都係大約 500-600 億。

Oh!! 原來我哋已經經歷咗地獄，香港早於兩年前玩完。然後2020-2022 年初，個結餘上到去 4500 億港元水平，香港係疫情期間係咪經濟起飛，大家有冇大魚大肉?

你可以看出 “銀行體系結餘” 對香港經濟玩完爆炸，港幣脫鉤美金一文不值，外資撤離，世界大爆炸沒有什麼直接大關係。日夜睇實 “銀行體系結餘” 個數字其實浪費人生，用錯焦點。

個結餘喺 500億港元水平，200-300億甚至得返幾億港元，香港社會都係會運作正常。之前超過 2000億係代表銀行水浸，太多錢，大量閒置資金，有錢冇掟洗。

銀行角度其實好想呢個結餘有咁低得咁低，借曬啲港幣出去收利息，銀行放喺金管局的 “結餘” 沒有利息收，一分錢也沒有賺取，放喺金管局純粹係法例要求的比例。

其實每次美國 Fed 加息減息，金管局 Base rate 係即刻跟住。經常聽到的香港加唔加息，係講過 Hibor。

Hibor 係銀行市場自由定價的，之前所講，銀行水浸，太多錢，太多閒置資金，Hibor 就會低，因為想把錢借出去收利息，放喺銀行閑置沒有利息0收入。

銀行結餘下跌, “資金流出” 係因為例如 Hibor 1 month maturity 寫文時: 1.3%，Libor 1 month maturity: 2.3%。

外匯 fx 炒家(投機家) 就會借港幣, 借錢港元利息1.3%，將港幣換成美金 (資金流出)，美金做一個月定期賺取美元利息 2.3%。一個月後，將美金轉返做港幣還錢。這個例子就無風無險賺了 1% 。(風險係有，例如聯繫匯率收皮，再講香港有成 3000幾億 “美金” 外匯儲備，脫鉤風險超細)

近期資金流出其實都係上述例子 “借取港幣換做美金定存”, fx carry trade 策略，普通正常投機活動。

個結餘跌到咁上下，Hibor 就會市場自動調節，香港銀行間就會提升番個 Hibor 息口，Hibor 和 Libor 個差距就會收窄，結餘就會跌停或者相反上升。

咁應該借幾多港幣去做 carry trade，Libor Hibor 走勢如何睇法? 我是玩股票的，炒外匯炒 FX 真的不是強項。

結餘有波動係正常現象，絕對唔關所謂外資撤離，聯繫匯率玩完，結餘數字不值得過多關心。

至於加 Prime rate，就係銀行收取自己個客利息嘅商業決定，銀行自己生意自己定價。

金管局有成 3000幾億 “美金” 外匯儲備，這個先係決定聯繫匯率，港幣掛鉤美元的重要因素之一。

總結:

咁個結餘係咁跌之後會點? Hibor 應該就會上升，銀行提高借錢利息。息口越高，供樓，供車，做生意借錢週轉越辛苦，因借錢成本越高，擔心呢樣嘢已經夠皮啦。

為什麼要加息? 加息仲買不買股票?

上集:

Rikas//

喜欢我的文章吗？
别忘了给点支持与赞赏，让我知道创作的路上有你陪伴。

加载中…

推荐阅读