力高
力高

鍾意周圍去,嬉山亦嬉水。 想幸福地吃秋刀魚、 心情亂七八糟時吃蕎麥麵、覺得輸給世界時被抱一下。

淪落人:夢到「夢到」

有夢、無夢,都可以係淪落人。生活方式可以有好多種,只要一日仍然能夠呼吸,相信終能夠搵到屬於自己嘅生存之道。對生活鍊成不痛不癢,絕對唔係應付生活嘅好方法,長久落去總有一日會崩壞。

只要生於香港,無論喺咩環境長大,講到「夢想」,你我都是天涯淪落人。

「淪落人」講「夢」,只要你係人,你就可以發夢。

雖然世上真係冇乜幾多個昌榮,但至少呢部戲提醒人,

即使你無「夢」可追,仍可以唔同嘅方式投入生活,完成人生一份值得回首嘅事跡。

昌榮成為呀蓮嘅「予夢者」,呢份偉大同付出,不比呀蓮追夢成就少,甚至更大。

但唔係人人都咁好彩,有夢嘅人唔一定成功,無夢嘅人更加難以搵到對生活嘅渴望。

電影歸電影,現實中大家都同樣知道,喺香港要將「夢想」實現有幾難。

走出戲院,被感動過後,返到屋企瞓醒後第二朝照舊返一份唔係自己想做,又或者同自己所想差距甚遠嘅工

只不過,無法驅使人有即時行動,都應該至少刺激到人對「生活」少少嘅諗法。

拉開櫃桶,打開個雜物櫃,

可能會搵到部封塵嘅單反、一盒沾滿顏色嘅畫筆、一枝走音嘅結他

呀蓮為生活,背棄過夢想一次,但我又諗,如果我身邊冇一個昌榮,亦冇呀蓮嘅負擔

係咪更加要嘗試拎返起份熱情,稍微放低一點對現實嘅偏執,

彈返首歌、影返張相或者畫返幅畫。

昌榮殘疾,但仍有捉緊紅色氣球嘅渴望。呢份係作為一個人,本能嘅反應與渴求。

佢呢生人冇為自己追過夢,發過夢,人生依然有着重量,係因為佢終於搵到生活嘅方式。

有夢、無夢,都可以係淪落人。生活方式可以有好多種,只要一日仍然能夠呼吸,相信終能夠搵到屬於自己嘅生存之道。對生活鍊成不痛不癢,絕對唔係應付生活嘅好方法,長久落去總有一日會崩壞。

呢套戲令我諗返起張家輝喺《激戰》講過:

「我唔想到我熄燈嗰陣,連一件值得我記著嘅事都冇。」

睇完《淪落人》,我更深信呢件「值得記著嘅事」,無論活咗幾多歲人,

都依然要把握機會去發掘,發現時一切都不會為時太晚。

CC BY-NC-ND 2.0 版权声明

喜欢我的文章吗?
别忘了给点支持与赞赏,让我知道创作的路上有你陪伴。

加载中…

发布评论