托爾德
托爾德

最老舊的筆名 寫小說是一件很矛盾的事 https://www.penana.com/user/66719/托爾德/portfolio

匪語

我對匪語既定義唔同,OK?

文人鬧人其實真係可以好撚叻,一個字粗口都唔駛,就可以令對方無地自容。佢地寫既每一個字都好重玩味,好明顯引導你去諗某啲嘢,令字面上好相安無事,但明眼人一睇就知佢究竟講緊乜。

呢排我日日都追睇馮唏乾啲文,就係呢個原因。

響呢個年代,大部分人盲字都唔識多隻,真係好難有咁既功力。但無奈我吔生存響呢個世代,面對小學生、小粉紅、小左同一大堆撚屌,呢種功力係備受追捧同時備受追殺。兩岸三地好多人都好努力想做到第一段講既嘢,但就冇咁既功力,結果只能用相當低手既方法,例如乜撚野都用拼音、諧音、英文字母,將關鍵敏感字詞自我屏蔽。

當你打開篇文或打開本書,入面全部都係火星文、英文字母或者口口口,真係好撚忟。但至少你知道點解,會體諒佢地身不由己而且功力尚淺。老老實實,我地當中可以有馮翁同其他文人既功力既(諗起黃霑首焚身以火)又有幾多個?

但我好撚憎啲人咬文嚼字去將唔撚掂、唔撚為大眾接受,或者踩界既嘢美化。其實唔係美化,係寫到你唔撚明。即係經典既『Convince唔到就Confuse』寫啲每一隻字我都識但加起黎真係唔撚明佢講乜鳩既嘢。

例如,以結果為目標。

例如,社會面清零。

例如,愛國。

最近我發現,呢啲咁既匪語話術平民化同生活化左好撚多。即係好撚多普通人都學識用呢啲咁既語言黎掩飾自己既污糟邋遢。

就好似今日咁,睇左一篇報導講屌TV既一個電視節目【晚吹戀講嘢】。內容係轉述某一集搵左個十九歲既女仔上去講下佢既同性戀史。呢位所謂『Les界情聖』叫Kitty既女仔聲稱佢小學四年班就知道自己鍾意女人,至今已拍過六次拖,自認鍾意拍拖。呢啲都冇乜嘢,普通傾計啫。

最正既係報導提到佢直認曾經出軌同被出軌(話說呢個『被⋯⋯』句式係用撚爛左。當初李旺陽事件用『被自殺』係非常精準地講出重點。而家⋯⋯),亦經歷過無縫接軌戀情重疊既將況。我睇到呢兩個詞語,一時間個腦空左。講乜春呀?再諗多幾下,即係見異思遷同一腳踩兩甚至N船啦!

屌佢老味!唔撚講得再『文雅』啲?

睇埋後面先湊出個大概。佢講到冇話鍾意女仔長定短頭髮,擇偶條件是對方好睇同有特別既地方。佢冇定義咩叫特別既地方,但係就以佢既現任做例子;佢條女特別既地方就係離左婚。哦!

最後,佢話客觀上有可能鍾意男人,但主觀上覺得冇男人追到佢。

我屌!乜撚嘢?點解唔再『美化』啲,話自己唔在乎對方性別,愛一個人係男係女都冇所謂?咁前面啲戀情重疊、無縫接軌咪好好解釋喇嘛。情聖!

我覺得,當一個人要用到呢啲偽語言黎講嘢,就係佢都知道呢啲嘢唔為人接受。甚至唔為自己所接受。佢地在意其他人點睇自己。如果唔係,點解唔直接講?

我自己就好保守,絕對同我寫既小說入面啲人好唔同。但我身邊就不乏堪稱烈女既女人,係真係好撚鍾意拍拖既女人。

例如A小姐,我識佢時已經係公開有兩條佬,都想同佢結婚,係傾埋婚禮點搞就等女人點頭嗰隻。兩條佬都知有對方存在,都想贏,但都又唔敢逼佢。女人日撚日就煩究竟要㨂邊個;同時間佢繼續同唔同男人打友誼波。我問佢,點解要結婚;佢呢啲烈女不如繼續同唔同男人周旋好過啦,費事婚內出軌啦。佢話佢想要個婚禮。咁我話B先生有水啲,婚禮一定勁好多,咁揀佢啦;佢又話感覺鍾意C先生多啲。咁我話為左愛咪揀C先生囉;佢又話B先生做愛勁好多。

嗰刻我真係好撚想打爆佢個頭。

例如D小姐,自己離左婚,有小朋友,竟然同個有婦之夫糾纏。對家又喊又盛,佢就好不屑。我話,屌你老味,人地個老公畀你搶緊呀,唔係喊下鬧下上下吊都唔撚得下嘛?佢話,屌,我又唔係要同條佬結婚,又冇話要佢離婚;我剩係想佢一星期響我呢邊訓四晚咋嘛!三晚佢返佢老婆度訓囉。

我又好撚想打爆佢個頭。

但係,即使我唔認同佢地既愛情觀,但我欣賞佢地對自己既觀點直認不諱。佢地會聽人意見,佢地會反駁,但佢唔會用啲言辭撚鳩你。我同佢地傾呢啲感情事可以傾到好深入(深到有啲嘢我真係唔想聽。例如邊個條撚粗啲之類。)亦因此了解更多,真心覺得佢地係真係好鍾意拍拖。或者,愛情。

起碼A小姐唔會日撚日同我講佢感情又重疊,疊到層層疊咁。D小姐亦唔會同我講佢...我真係諗唔到啲乜撚嘢匪語去形容呢種感情。

但係,而家係一個冇撚人識既𡃁妹上電視同人講自己出軌,但叫感情重疊呀!十九歲呀!棟樑呀屌你!用啲咁既匪語係仲撚衰過啲煩撚過閪既火星文!

年青人可唔可以爭氣啲呀?之前出啲乜撚嘢A0、O1我已經好撚火滾。人地坐監或者做差佬先會用冧巴代表自己(好似坐監都已經唔會)你自己就好撚開心咁用啲咁既字母冧巴話畀人聽自己拍過幾多次拖,係咪接受追求?乜撚嘢OBA,老一輩以為乜嘢新型MBA,毒撚會唔會以為講緊ABO?

每個年代都有新既字詞,我明。就算啲人好反對用大陸字詞,我都唔太在意;有啲詞係唔想用,但唔會一刀切唔用。外國好多字詞都係黎自他國,唔通又全部剷鳩晒佢咩?只要個詞係中性,又唔會令我覺得好刺耳、好唔自在,我唔反對用。係,薯仔叫土豆呢樣嘢真係好撚痴線,起司同芝士我始終覺得芝士好啲;但唔係逼我唔講米高積遜要講麥可傑克森咪是撚但囉。

但係,強姦就係強姦,唔係QJ,更加唔係性侵。

各位,既然都係普通人,就用普通人聽得明既話語。啲匪語,留返畀啲專業架啦。

乜嘢叫新高?大家自己去睇

https://www.bbc.com/zhongwen/simp/chinese-news-63182941











CC BY-NC-ND 2.0

Like my work?
Don't forget to support or like, so I know you are with me..

Loading...

Comment